29 DE ABRIL–5 DE MAYO
SALMOS 34, 35
Tlakuikajli 10 niman teoyotl | Tlen noijtos ijkuak peuas tlanechikojli (1 min.)
1. Nochipa matikueyichiuakan Jehová
(10 mins.)
David nochipa okiueyichiuj Jehová maski kixnamiktoya tlen ouijtika (Sl 34:1; w07-S 1/3 22 párr. 11).
David nochipa kuajli otlajto itech Jehová niman xsan kijtotinemiya tlen kuajli kichiuaya (Sl 34:2-4; w07-S 1/3 22 párr. 13).
Ken David okiueyiteneuj Jehová okinyolchikauj oksekimej (Sl 34:5; w07-S 1/3 23 párr. 15).
Ijkuak Jehová okimakixti David itech Abimélec, 400 tlakamej akin kitlauelitayaj Saúl onosentlalijkej kampa tlaluaktli (1Sa 22:1, 2). Kanaj David tlanemilijtoya itech yejuin ijkuak okijkuilo Salmo 34.
XMOTLAJTOLTI: “¿Kenon uelis nikueyichiuas Jehová ipan tlanechikojli?”.
2. Tlen tepaleui niman iyantika
(10 mins.)
Sl 34:7. ¿Tlenon okijtosnek David ijkuak okijto ika iángel Jehová nemi nisiuj, niman tlenon techmachtia? (w22.01 6 párrs. 12, 13).
¿Tlenon más otikuelitak itech tlen onopouj ipan Biblia yejuin semana?
3. Tlen nopoua ipan Biblia
(4 mins.) Sl 34:1-22 (th tlamachtijli 5).
4. Xpeua xtenojnotsa
(2 mins.) SAN KANON XTENOJNOTSA. Akin tiknojnotsa yauj noso kuajnotsaj niman xueli tiknojnotsa itech Biblia (lmd tlamachtijli 1 punto 4).
5. Oksejpa xtetlajpaloti
(4 mins.) SAN KANON XTENOJNOTSA. (lmd tlamachtijli 2 punto 4).
6. Xteijli tlen tikneltoka
(5 mins.) Xteititi tlen opanok. lff tlamachtijli 44 puntos 1-3. Tlajtoua itech: ¿Kenon iteixpantijkauan Jehová kitlapejpeniaj katlejua iluimej kinpanoltiskej? (th tlamachtijli 17).
Tlakuikajli 59
7. ¿Kenon uelis tikueyichiuaskej Jehová ipan tlanechikoltin?
(15 mins.) Tlen san sekan tomachtiskej.
Totlanechikoluan techpaleuiyaj matikueyichiuakan Jehová. Matikitakan kenon tikchiuaj.
Ijkuak titlajtouaj imiuan oksekimej: Ijkuak titlajtoskej imiuan oksekimej, matikimijlikan kenon Jehová melak yolkuajli (Sl 145:1, 7). ¿Yotikamapoujkaj itlaj noso yotikakkaj itlaj tlen melak otechpaleui? ¿Kuajli otechkakkej ijkuak otitenojnotskej? ¿Otechyolchikauj tlen yakaj okijto noso tlen okichiuj? ¿Otechmojkatlachialti itlaj tlen toTajtsin okichijchiuj? Matikilnamikikan ika nochi yejuin ualeua itech Jehová (Snt 1:17). Uelis titlajtoskej itech yejuin imiuan oksekimej tla niman tajsi ipan totlanechikoluan.
Ijkuak titlanankiliaj: Matikyejyekokan maski san sejpatsin matitlanankilikan ipan tlanechikojli (Sl 26:12). Ijkuak titlanankiliskej, uelis san tiknankiliskej tlen techtlajtoltiaj, tikajxiltiliskej tlen xinoijtoua, tikamapouaskej se tlaxelojli, tikteneuaskej se tlaixkopinajli noso tikteneuaskej itlaj tlen techmachtia. Pampa miyekej noijki nomatelketsaskej, miyek xyektlali ken titlanankilis. Tla ijkuak titlanankiliaj san tiuejkauij 30 segundos, oksekimej noijki uelis kiueyichiuaskej Jehová (Heb 13:15).
Ijkuak tokuikatiaj: Matokuikatikan ika nochi toyojlo (Sl 147:1). Tla kemantika xueli titlanankiliaj pampa ipan totlanechikol melak timiyekej, uelis tikueyichiuaskej Jehová ijkuak tokuikatiskej. Niman tla xkualtsin tokuikatiaj, Jehová melak yolpakis tla kita ika tokojtiliaj tokuikatiskej (2Co 8:12). Melak techpaleuis tla tomajmachtiaj totlakuikaluan.
Xtlali VIDEO Ken youajnopatlatia ikalpan Jehová: Tlakuikaltin (parte 1). Sakin xtetlajtolti:
¿Kenon yokuajteititijtiaj ikalpan toTajtsin ika melak noneki matikueyichiuakan Jehová ika tlakuikaltin?
8. Tlamachtijli itech Biblia iuan tlanechikojli
(30 mins.) bt cap. 9 párrs. 1-7, itech tlen tlajtos sección 3 niman recuadro tlen onka ipan página 70.