5-11 DE MAYO

PROVERBIOS 12

Tlakuikajli 101 niman teoyotl | Tlen noijtos ijkuak peuas tlanechikojli (1 min.)

TLEN TEPALEUI ITECH ITLAJTOL TOTAJTSIN

1. Tla chikauak titekiti xtlaj mitspolos

(10 mins.)

Maka xpolo motiempo ipan tlen xitlaj ika mitspaleuis (Pr 12:11).

Chikauak xtekiti niman xchiua tlen kuajli (Pr 12:24; w16.06 30 párr. 6).

Tla chikauak titekiti xtlaj mitspolos (Pr 12:14).

Tlaixkopinaltin: Se tokniuj akin tekititika noijki tenojnotstika: 1. Kijlitika iherramientas. 2. Kikisalotika se tubo tlen melak ueyi ika se perica. 3. Yauj tlanechikojli iuan ifamilia. Yejua iuan ichpokatsin nomateketsaj para tlanankiliskej. 4. Kimakatika se tratado se tlakatl akin tekititika ipan gasolinera.

TLEN UELIS TIKCHIUAS: Tla tiknemilia ika tlen tikchiua melak kinpaleuis oksekimej, melak tiyolpakis (Hch 20:35; w15-S 1/2 5 párrs. 4-6).

2. Matiktejtemokan tlen tepaleui niman iyantika

(10 mins.)

Pr 12:16. ¿Tlenon uelis tikchiuaskej niman ijkon maka imiuan tokualaniskej tochanejkauan? (w17.10 15 párr. 15).

Motlanankilil
¿Tlenon más otikuelitak itech tlen onopouj ipan Biblia yejuin semana?

Motlanankilil

3. Tlen nopoua ipan Biblia

(4 mins.) Pr 12:1-20 (th tlamachtijli 5).

XMOMACHTI MELAK KUAJLI XTENOJNOTSA

4. Xpeua xtenotsa

(2 mins.) TECHAJCHAN. (lmd tlamachtijli 1 punto 4).

5. Xpeua xtenotsa

(3 mins.) TECHAJCHAN. Xkijli tla kineki nomachtis Biblia (lmd tlamachtijli 5 punto 4).

6. Oksejpa xteitati

(3 mins.) SAN KANON XTENOJNOTSA. Xkititi tositio jw.org yakaj akin kinpiya ikoneuan (lmd tlamachtijli 9 punto 3).

7. Xteijli tlen tikneltoka

(3 mins.) Xteititi tlen ueliskia panos. ijwfq 3. Tlajtoua itech: ¿Nenkinemiliaj ika san nemejuamej nenkineltokaj tlen melauak? (lmd tlamachtijli 4 punto 3).

MATINEMIKAN KEN CRISTO

Tlakuikajli 21

8. Jehová mitspaleuis ijkuak xtikpiyas tomintsin

(15 mins.) Tlen san sekan tomachtiskej.

Miyekej kimajmana tla xkinextiaj se tekitl, tla kipolouaj intekiyo, tla xkimajxilis intomintsin noso tla xok kipiyaskej intomintsin ijkuak iuejueyimej. ¿Tejua noijki yejon tlen mitsajmana? Aman uelis nimantsin nochi nopatlas, kanaj más tlapatiouas noso xok ueyi techtlaxtlauiliskej kampa titekitij. San ika, Jehová nochipa techmakas tlen ika topanoltiskej tla kachtopa tikchiuaj tlen yejua kuelita (Sl 46:1-3; 127:2; Mt 6:31-33).

Tlaixkopinaltin itech video “Jehová nochipa techpaleuiya”. Tokniuj Alvarado kichijtika teoyotl iuan ifamilia.

Xtlali VIDEO Jehová nochipa techpaleuiya. Sakin xtetlajtolti:

¿Tlenon mitsmachtia tlen ipan opanok tokniuj Alvarado?

Motlanankilil

Xpoua 1 Timoteo 5:8. Sakin xtetlajtolti:

¿Kenon yejuin tlaxelojli techyolchikaua ika Jehová nochipa techmakas tlen techpoloua?

Motlanankilil

Xkimita seki textos tlen mitspaleuiskej kuajli xtekitilti tomintsin ijkuak xmás tikpiyas:

Maka xneki tikpiyas miyek tlemach. Maka melak xpopolo tomintsin niman tla xnoneki maka xmotlaneui (Mt 6:22).
Ijkuak tikitas kanon titekitis noso kanon timomachtis, kachtopa xkita ika mamitskauili xchiua tlen Jehová kineki (Flp 1:9-11).
Xyolyemanki niman xnekto tikpatlas tlen noneki. Tla kemantika xok tikpiya tekitl, xtejtemo okse tekitl tlen mitspaleuis xkintlakualti mofamilia. Kanaj kemantika nonekis tikchiuas se tekitl tlen xmás tikuelita (Pr 14:23).
Xtemaka tlen tikpiya maski tla xmiyek tikpiya (Heb 13:16).

9. Tlamachtijli itech Biblia iuan tlanechikojli

(30 mins.) bt cap. 26 párrs. 1-8 niman recuadros tlen onkatij ipan págs. 204, 208.