15-21 DE SEPTIEMBRE

PROVERBIOS 31

Tlakuikajli 135 niman teoyotl | Tlen noijtos ijkuak peuas tlanechikojli (1 min.)

TLEN TEPALEUI ITECH ITLAJTOL TOTAJTSIN

Se nantli iuan iichpokatsin yeuatokej niman kualtsin nonojnotstokej.

1. Tlen tiuelij itech tlen se nantli okijli ikoneuj

(10 mins.)

Xkinmachti mokoneuan tlenon kinemilia Jehová itech sexo niman namiktilistli (Pr 31:3, 10; wp24.1 13 punto 4).

Xkinmachti mokoneuan tlenon kinemilia Jehová itech alcohol (Pr 31:4-6; ijwhf-S tlamachtijli 4 párrs. 11-13).

Xkinmachti mokoneuan matepaleuikan ijkon ken Jehová tepaleuiya (Pr 31:8, 9; g19.2 7 párrs. 5-7).

2. Matiktejtemokan tlen tepaleui niman iyantika

(10 mins.)

Pr 31:28. ¿Tleka se teueuentsin noneki kiueyiteneuas isiuatsin? (w25.01 13 párr. 16).

Motlanankilil
¿Tlenon más otikuelitak itech tlen onopouj ipan Biblia yejuin semana?

Motlanankilil

3. Tlen nopoua ipan Biblia

(4 mins.) Pr 31:10-31 (th tlamachtijli 10).

XMOMACHTI MELAK KUAJLI XTENOJNOTSA

4. Xpeua xtenotsa

(3 mins.) SAN KANON XTENOJNOTSA. Xpeua xnojnotsa yakaj akin omitspaleui noso akin kuajli omitsnots (lmd tlamachtijli 5 punto 3).

5. Xpeua xtenotsa

(4 mins.) TECHAJCHAN. Xtekitilti se tlamachtijli itech “Tlamachtiltin itech Biblia tlen tikuelitaj titemachtiskej”, tlen uajlauj ipan apéndice 1 itech folleto Xtetlasojtla (lmd tlamachtijli 1 punto 4).

6. Oksejpa xteitati

(5 mins.) TECHAJCHAN. Xkijli makikakiti kualtsin tlamachtijli ipan tlanechikojli akin otikmakak se Amatl Tekakistilijketl número 1 del 2025 (lmd tlamachtijli 7 punto 4).

MATINEMIKAN KEN CRISTO

Tlakuikajli 121

**7. Xkinpaleui mokoneuan kuajli makitekitiltikan tablet, teléfono, computadora niman televisión**

(8 mins.) Tlen san sekan tomachtiskej.

¿Yotikitaka kenijki se konetl kinauiltia se tablet noso se teléfono? ¡Nesi kentla melak ueltokej kintekitiltiaj! Xnoneki yakaj makinmachti kenijki kinauiltiskej, san ika, kema noneki yakaj makinmachti kenijki kuajli kitekitiltiskej. Tla tejua titajtli, ¿kenijki uelis tikinpaleuis mokoneuan kuajli makitekitiltikan tablet, teléfono, computadora niman televisión?

Se tlaixkopinajli itech video “Kuajli xtekitilti tiempo”. Sofía noseuijtika itenpan mar. Yejua kitstika itablet, ika yejon, xkita ika se delfín nauiltijtika ika se pelota ipan atl.

Xtlali VIDEO Kuajli xtekitilti tiempo. Sakin xtetlajtolti:

¿Tleka melak kuajli tla tikijtouaj kech tiempo tiktekitiltiskej tablet, teléfono, computadora niman televisión?

Motlanankilil
¿Kenon noijki uelis tiktekitiltiskej totiempo?

Motlanankilil

Ijkuak tikitas tlenon kichiuaskej mokoneuan, maka xkita tlen kichiuaj oksekimej tajtin, yej xkita tlenon kijtoua Biblia pampa yejon más mitspaleuis (Gál 6:5). Uelis ijkin timotlajtoltis:

¿Kiteititia nokoneuj ika ueli kitlapejpenia tlen kuajli? ¿Yonechititi ika ueli san iselti noteltia niman ijkon uelis kitlaneuis noteléfono noso notablet, noso hasta para se nikmakas? (1Co 9:25).
¿Kuajli tla nijkauilia makitekitilti tablet, teléfono, computadora noso televisión ijkuak xompa ninemis? (Pr 18:1).
¿Katlejua aplicaciones nijkauilis makintekitilti noso tlen páginas de internet nijkauilis makimita? (Ef 5:3-5; Flp 4:8, 9).
Tla nikneki ika nokoneuj itlaj okse makichiua tlen teyolpakti noso tlen noneki, ¿kech tiempo nijkauilis makitekitilti tablet, teléfono, computadora noso televisión? (Ec 3:1).