ToTajtsin kineki mitstlajpiyas
BIBLIA uelis techpaleuis pampa nochi tlen ompa noijtoua ualeua itech toTajtsin. Melauak, Biblia xkijtoua kenon noneki topajtiskej, san ika, kema kijtoua tlenon uelis techpaleuis maka melak matajmankamikikan, maka matiknemilikan tlen techijtlakos, maka melak matoyolkokokan, kenon uelis tiktlajpiyaskej totlalnakayo niman kenon uelis kuajli tomachiliskej.
Niman noijki, Biblia techijlia itlaj tlen melak kualtsin: ika toTajtsin Jehováa akin otexchijchiuj, kuajli kasikamati tlen tiknemiliaj niman tlen tikmachiliaj. Yejua kineki techtlajpiyas niman touan nemis ijkuak tikixnamikij tlen ouijtika. Xtlanemili itech tlen kijtouaj yejuin ome textos, yejon melak mitsyolchikauas.
“ToTEKO nemi nisiu para kinyoltlalia on yejuan sanoyej noyolkokouaj, niman kinmakixtia on yejuan xok kipiyaj tlamachalistli” (SALMO 34:18).
“Nejua nemoTEKO Dios, nemechmayantiu. Nejua nemechilia: ‘Maka xmomojtikan. Nejua nemechpaleuiya’” (ISAÍAS 41:13).
San ika ¿kenon uelis techpaleuis Jehová tla tikualoj pampa melak xkuajli tomachiliaj? Ipan okseki tlamachtiltin tikitaskej kenon techititia Jehová ika yemelak kineki techpaleuis.
a ToTajtsin itoka Jehová (Éxodo 15:3).