Ken uelis ika moyojlo timomachtis

¿Tikuelitaskia más miyek tiuelis ijkuak san moselti timomachtis? Tla kema, tlen uajlauj tlatsintlan mitspaleuis más kuajli xmomachti.

• Xtejtemo kampa ika moyojlo timomachilis. Tla ueli, xmomachti kampa tlachipaujkan niman tlauilpan. Uelis timomachtis ipan se pitentsin mesa, noso uelis kiyauak timomachtis kampa ika moyojlo timomachilis.

• Xtejtemo kampa uelis san moselti tinemis. Jesús “uelipan” kichiuaya teoyotl “kampaka xakaj nemi” (Mar. 1:35). Tla xueli san moselti tinemis, xkimijli mochanejkauan noso akin imiuan tichanti kemanon tikuelitaskia timomachtis niman xkintlajtlanili maka mamitspajsolokan.

• Maka itlaj mamitspajsolo. Tla tiktekitiltia moteléfono noso motablet para ika timomachtis, xtlalili kampa xkakistis noso xtlalili modo avión para maka itlaj mitspajsolos. Niman tla chika timomachtia itlaj tikilnamiki tlen nonekis tikchiuas, xkijkuilo para sakin tikchiuas. Tla san tlemach tiknemilijtok ijkuak timomachtia, achijtsin xnejnemiti noso xmotijtilana.