“Okiasikamat kenijki tetlakamatis”

Jesús nochipa okitlakamat Jehová (Juan 8:29). Kuakon, ¿tleka Biblia kijtoua ika “okasikamat kenijki tetlakamatis ipampa tlen okijyoui” ? (Heb. 5:8).

Ijkuak Jesús nemiya ipan tlaltikpaktli, melak miyek okixnamik tlen xokixnamik ijkuak nemiya cielo. San matikonteneuakan yejuin, ononek kintlakamatis itajuan akin maski kitlasojtlayaj Jehová, tlajtlakolejkej katkaj (Luc. 2:51). Otlajyoui san inpampa akin tlayekanayaj ipan tlanechikoltin niman pampa tekiuajkej okichiuilijkej tlen xkuajli (Mat. 26:59; Mar. 15:15). Noijki, “onoyolyemanili niman nochipa otetlakamat” ijkuak okimiktijkej niman melak okitlajyouiltijkej (Filip. 2:8).

Tlen ipan onochiuj Jesús, okipaleui matetlakamati ipan tlen xkeman kixnamikiya. Noijki, yejon okipaleui manochiua se Tekiuaj niman se Ueyi teopixki akin xkipiya tlajtlakojli niman kuajli techasikamati (Heb. 4:15; 5:9). Jehová más okipatiojkaitak niman más okitekitilti pampa ouel otetlakamat ipampa tlen okijyoui. Noijki, Jehová más techpatiojkaitas niman más techtekitiltis tla titetlakamatij maski techtekiyomakas (Sant. 1:4).