Okinextijkej on perla tlen “sanoyej patioj”

Jesús otemachti ika iTekiuajyo toTajtsin kipopolos nochi tlen techtlajyouiltia (Mateo 6:10). Ipan Mateo 13:44-46, yejua okinteneuj yejuin ome neskayomej para techasikamachiltis ika melak ueyi kijtosneki ijkuak tiuelis itech iTekiuajyo toTajtsin:

• Se tlakatl akin tekititoya ipan tepetl okinexti se tesoro tlen iyantoya.

• Se tlasemanketl akin kintejtemouaya perlas okinexti se perla tlen melak patioj.

Yejuin omemej tlakamej okinemakakej ika nochi inyojlo nochi tlen kipiaya para kipiyaskej tesoro tlen yokinextijkaj. Nemij miyekej akin yokichiujkej ijkon ken tlakamej akin okinteneuj Jesús: melak kipatiojkaitaj iTekiuajyo toTajtsin hasta kinektokej kichiuaskej miyek tlemach para kiseliskej tlen Jehová yokijto techmakas (Lucas 18:29, 30). Ipan yejuin video, tikimixmatiskej omemej akin okichiujkej ijkon ken tlakamej akin Jesús okinteneuj.