¿Kiseliaj iteixpantijkauan Jehová makinpajtikan?

Kema. Tiiteixpantijkauan Jehová tikseliaj matechpajtikan niman tikseliaj medicina tlen techmakaj. Maski totlajpiyaj maka tikualoskej, kemantika noneki tiaskej kampa “tepajtijketl” (Lucas 5:31). Ijkon ken Lucas, se inomachtijkauj Jesús akin tepajtiketl katka, sekimej iteixpantijkauan Jehová noijki tekitij itech medicina (Colosenses 4:14).

San ika, tiiteixpantijkauan Jehová xtikseliaj matechpajtikan ika itlaj tlen kimixnamiki itlajtolyekanalisuan toTajtsin. Matikteneuakan seki, Biblia kijtoua ika maka matijkuakan yestli, ika yejon, xtikseliaj matechtlalilikan yestli (Hechos 15:20). Noijki, Biblia kijtoua ika maka matikselikan naualyotl, tlen sekimej kitekitiltiaj ika nopajtiaj (Gálatas 5:19-21).

Kema, miyek tlemach tlen ika nopajtilo tikseliaj pampa ipan Biblia xkijtoua maka matiktekitiltikan, ika yejon, iteixpantijkauan Jehová insejselti kinemiliaj tlenon kitlapejpeniskej. Kanaj se uelis kiselis makipajtikan ika medicina tlen okse xkiseliskia (Gálatas 6:5).