TLAMACHTIJLI 9
¿Kemanon nokuepas tlaltikpaktli se Xochitlalpan?
Nochi tlen panotika ipan tlaltikpaktli nesi ika iTekiuajyo toTajtsin iyejkotika (Lucas 21:10, 11; 2 Timoteo 3:1-5)
Biblia yokijtoka yeuejkaui ika panoskia miyek tlemach tlen aman panotika. Yokijtoka ika tlaltikpakchanejkej kitlasojtlaskiaj tomin, xkintlakaitaskiaj intajuan, tlauelejkej yeskiaj niman kuelitaskiaj san yejuamej nopaktiskej.
Chikauak tlaloliniskia, oniaskiaj guerras, apistli niman miyek kokolistli tlen nosemoyaua. Nochi yejuin panotika ipan yejuin tonajli.
Jesús okijto ika noteijlis, kuajli tlajtoltin itech Tekiuajyotl ipan nochi tlaltikpaktli (Mateo 24:14).
ToTajtsin iTekiuajyo kipopolos nochi tlen xkuajli (2 Pedro 3:13)
Xok uejkauis, Jehová kinpopolos nochimej akin xkuakualtin.
Satanás niman xkuakualtin espíritus xok kinkauiliskej makichiuakan tlen xkuajli.
Akin kikakij toTajtsin nemiskej ipan se tlaltikpaktli kampa nochiuas tlen melajki, kampa xok yakaj nomojtis, se tlaltikpaktli kampa notlasojtlalos niman ompa xok yakaj tekajkayauas.