BIBLIOTECA IPAN INTERNET Watchtower
Watchtower
BIBLIOTECA IPAN INTERNET
náhuatl de guerrero
  • BIBLIA
  • AMATLAJKUILOLTIN
  • TLANECHIKOLTIN
  • lfb tlamachtijli 65 pág. 154-pág. 155 párr. 1
  • Ester okimakixti ikalpan

Xonka video tlen otiktlapejpeni.

Xtechtlapopolui, xueli tlapoui video.

  • Ester okimakixti ikalpan
  • Tlamachtiltin tlen mitsmachtia Biblia
  • Okseki ken yejuin
  • Mardoqueo niman Ester
    Noamox historias tlen uajlauej ipan Biblia
Tlamachtiltin tlen mitsmachtia Biblia
lfb tlamachtijli 65 pág. 154-pág. 155 párr. 1
Tekiuaj Ester kalaki ikiyauak tekiuaj Asuero, kampa miyekej itlakeualuan kitlajpiyaj

TLAMACHTIJLI 65

Ester okimakixti ikalpan

Tekiuaj Ester

Ester katka se ichpochtli judía akin chantiya Persia ipan se ueyikalpan tlen itoka katka Susa. Yeuejkaui Nabucodonosor okinkixti iuejkachanejkauan itech Jerusalén. Mardoqueo, akin iprimo katka, okiskalti. Yejua tlakeuajli katka itech Asuero, itekiuaj Persia.

Tekiuaj Asuero okinek se yenkuik isiuauj. Itekipanojkauan okiuikilijkej siuamej melak kualtsitsintin itech itekiuajyo, Ester teuan katka. Itech nochimej siuamej, tekiuaj okitlapejpeni Ester manochiua isiuauj. Mardoqueo okijli maka yakaj makijli ika judía katka.

Se tlakatl akin melak noueyimatiya, itoka katka Hamán, kinyekanaya nochimej akin ueyixtoyaj. Yejua kinekiya ika nochimej ixpan manotlakuanketsakan. Mardoqueo xokinek kichiuas, kuakon Hamán melak okualan hasta okinek kimiktis. Ijkuak okimat ika Mardoqueo judío katka, okinemili kenon kichiuas niman ijkon kinmiktis judíos itech ueyikalpan. Yejua okijli tekiuaj: “Judíos xkuajli tlen kichiuaj, kipiya ika tikinmiktis”. Asuero okinankili: “Xchiua nochi tlen nonekis”. Niman okikauili makitlali se tlanauatijli. Hamán otlanauati makinmiktikan nochimej judíos ipan tonajli 13 metstli adar. Jehová nochi kitstoya.

Ester xkimatiya itech tlanauatijli. Kuakon Mardoqueo okititlanili ipan se amatl niman okijli: “Xuiya, xtlajto iuan tekiuaj”. Ester okijto: “Tla yakaj yauj kampa tekiuaj ijkuak xkinotsa, kimiktiaj. Niman ¡ikipiya 30 tonajli ika tekiuaj xnechnotsa! San ika, kema nias. Tla tekiuaj nechuajtekechilia itlakouj ninemis. Tla xkichiua nimikis”.

Ester oyaj ikiyauak tekiuaj. Ijkuak tekiuaj okitak, okitekechili itlakouj. Ester okinisiui niman tekiuaj okitlajtolti: “¿Tlenon uelis ika nimitspaleuis Ester?”. Yejua okijli: “Nikneki xuajla iuan Hamán kampa nikchijchiuas ueyi tlakuajli”. Ijkuak ompa nemiyaj, Ester oksejpa okimijli matlakuatij. Ijkuak ika okpa otlakuatoj, tekiuaj oksejpa okitlajtolti: “¿Tlenon uelis ika nimitspaleuis?”. Yejua okijli: “Yakaj kineki techmiktis, nejua iuan nokalpan. Nimitstlajtlanilia xtechmakixti”. Tekiuaj okitlajtolti: “¿Akinon kineki mitsmiktis?”. Yejua okijto: “Yejuin xkuajli tlakatl Hamán”. Asuero melak okualan niman otlanauati makimiktikan Hamán.

San ika, nion tekiuaj xueliskia kipopolos tlen Hamán yotlanauatijka. Kuakon tekiuaj okitlali Mardoqueo makinyekana akin ueyixtoyaj niman okikauili makichijchiua se yenkuik tlanauatijli. Yejuin tlanauatijli kijtouaya ika judíos ueliskiaj kimixnamikiskiaj intlauelikniuan. Ipan tonajli 13 metstli adar, judíos otetlankej. Itech yejon tonajli ika tlayekapan nochi xiujtin iluichiuaj ika otetlankej.

“Mechuikaskej imixpan on gobernadores niman reyes san pampa nennechneltokaj. Ijkuak ijkon nemopan nochiuas, noka xtlajtokan imixpan niman imixpan on yejuan xhebreos” (Mateo 10:18).

Tlajtoltilistin: ¿Tlenon kinekiyaj kinchiuiliskej judíos? ¿Kenon okiteititi Ester ika tlaneltokaya itech Jehová?

Ester 2:5-20; 3:1-5:8; 7:1-8:14; 9:1-28.

    Amatlajkuiloltin ika Náhuatl de Guerrero (2006-2025)
    Nikisas
    Nikalakis ika nocuenta
    • náhuatl de guerrero
    • Xtetitlanili
    • Ken tikneki manesi
    • Copyright © 2025 Watch Tower Bible and Tract Society of Pennsylvania
    • Ken noneki notekitiltis
    • Ken notlajpiyaj modatos
    • Xpatla ken notekitiltiaj modatos
    • JW.ORG
    • Nikalakis ika nocuenta
    Xtetitlanili