Itech tlen tlajtos sección 10

Jehová yejua Tekiuaj itech nochi tlen onka. Yejua nochipa kuajli kiyekana niman nochipa ijkon kichiuas. Se neskayotl, okimakixti Jeremías ijkuak mikiskia ijtik se pozo. Okimakixti Sadrac, Mesac niman Abednego itech horno tlen tlikuitoya niman okimakixti Daniel itech leones ijkuak okichiuj maka makikuakan. Jehová okitlajpix Ester niman ijkon makimakixti ikalpan. Yejua xkikauilis nochipa maonia tlen xkuajli. Teotlajtoltin itech se tlamachijchiuajli tlen nesi ken se ueyi tlakatl niman se ueyi kojtli, techmelajkaijliaj ika iTekiuajyo Jehová xuejkaujtipan kipopolos nochi tlen xkuajli niman tlanauatis ipan tlaltikpaktli.