Maajsi ipan inyojlo akin mitskaktokej

Proverbios 3:1

TLEN TIUELIS: Xkinpaleui akin mitskakiskej ika makipatiojkaitakan tlen uelij niman makichiuakan.

KENON TIKCHIUAS:

• Xkinpaleui akin mitskakiskej ika san no yejuamej manoitakan. Xkintlajtolti tlen kichiuas ika san no yejuamej makitakan tlenon kipiyaj ipan inyojlo.

• Xkinyolmapeua ika makichiuakan pampa kisa ipan inyojlo. Xchiua ika akin mitskaktokej makinemilikan tleka kichiuaj tlen kuajli. Xkinpaleui ika intlasojtlalis itech Jehová, intech tlaltikpakchanejkej niman itech itlamachtiluan Biblia, makinmapeua makichiuakan tlen kuajli. Xkintlanemililti akin mitskaktokej, maka san melak xtlajto. Ijkuak tiktlamiltis motlamachtil, yejuamej xnoneki pinauiskej, noneki melak makinekikan kichiuaskej tlen ouelkej.

• Xteititi ika ualeua itech Jehová. Xteititi kenon tlamachtiltin, tlajtolyekanalistin niman tlanauatiltin tlen uajlauej ipan Biblia techkauiliaj matikixmatikan toTajtsin niman techititiaj ika techtlasojtla. Xkinpaleui akin mitskaktokej ika matlanemilikan itech tlen kimachilia Jehová niman ika ok makinekikan kipaktiskej.