Tlen uelis mitspaleuis xyolpaki iuan mofamilia (parte 1)

Ijkuak se tlakatl niman se siuatl nonamiktiaj, melak yolpakij niman kinekiskiaj nochipa ijkon yolpakiskej. Itekipanojkauan toTajtsin akin youejkauj ika ononamiktijkej niman nokojtiliaj kintlakamatiskej itlanauatiluan Biblia, yokitakej ika akin yononamiktijkej uelis nochipa yolpakiskej.

1. ¿Tlenon kinnauatia Biblia nochimej teueuentsitsinuan?

Jehová yokinnauati teueuentsitsinuan yejuamej makinyekanakan infamilias (xkita Efesios 5:23). Niman toTajtsin kineki ika tlen kitlapejpenis se teueuentsin makipaleui ifamilia. Biblia kimijlia teueuentsitsinuan “ma kintlajsojtlakan insiuauan” (Efesios 5:25). Yejuin kijtosneki ika tla se teueuentsin kitlasojtla isiuatsin, noneki kuajli kinotsas ijkuak nemiskej teixpan niman ijkuak san inselti nemiskej. Noneki kitlajpiyas, nokojtilis kimakas nochi tlen noneki niman kichiuas nochipa kuajli manomachili (1 Timoteo 5:8). Niman, tlen más ueyi kijtosneki, yejua akin noneki kipaleuis isiuatsin más kuajli manouika iuan Jehová (Mateo 4:4). Niman, para uelis ijkon kichiuas, noneki iuan kichiuas teoyotl niman iuan kiamapouas Biblia. Tla se teueuentsin kuajli kitlajpiya isiuatsin, yejua más kuajli nouikas iuan Jehová (xkita 1 Pedro 3:7).

2. ¿Tlenon kinnauatia Biblia nochimej tesiuauan?

ITlajtol toTajtsin kijtoua ika se tesiuatsin “noneki kitlakaitas iueuentsin” (Efesios 5:33). ¿Tlenon uelis kichiuas niman ijkon kiteititis ika kitlakaita? Tla yejua kinemilia tlenon kualtsin kichiua iueuentsin niman tla kita kenijki melak nokojtilia para kitlajpiyas niman kintlajpiyas ikoneuan. Noijki uelis kiteititis ika kitlakaita tla kipaleuiya manochiua tlen yokitlapejpeni, tla kuajli kinotsa niman tla kuajli tlajtoua itech iueuentsin maski tla yejua xkitekichiuilia Jehová.

3. ¿Tlenon uelis kichiuaskej akin yononamiktijkej niman ijkon más notlasojtlaskej?

Biblia kijtoua ika se tlakatl niman se siuatl akin nonamiktiaj nochiuaj ken “san se tlalnakayotl” (Mateo 19:5). Yejuin kijtosneki ika noneki notlajpiyaskej maka kichiuaskej itlaj tlen ueliskia kinxelos. Ika yejon, melak kuajli tla yejuamej nochipa san sekan kistinemij niman tla kualtsin kinoijliaj tlenon kinemiliaj niman tlenon kimachiliaj. Nochipa noneki kilnamiktoskej ika san Jehová niman imixnamik más ueyi kijtosnekij. Noijki noneki notlajpiyaskej maka sajnoye nouikaskej iuan yakaj akin ximixnamik.

OKSEKI XKASIKAMATI

4. Teueuentsin, xtlasojtla niman xtlajpiya mosiuatsin

VIDEO: Teueuentsin, xtlasojtla mosiuauj ken tejua timotlasojtla (9:53)

• ¿Kenijki uelis kiteititis se teueuentsin ika kitlasojtla isiuatsin?

Xkitakan Colosenses 3:12 niman xtlajtokan itech yejuin:

• ¿Kenijki uelis kichiuas se teueuentsin tlen kijtoua yejuin texto?

5. Tesiuauj, xtlasojtla niman xtlakaita moueuentsin

Biblia kijtoua ika se tesiuauj noneki kitlakaitas iueuentsin maski tla yejua xkitekichiuilia Jehová. Xkitakan 1 Pedro 3:1, 2 niman xtlajtokan itech yejuin:

• Tla moueuentsin xkitekichiuilia Jehová, ¿xmelauak ika tiknekiskia makitekichiuili? ¿Tlenon tiknemilia noneki tikchiuas: nochipa tiknojnotstos itech Biblia, noso tikchiuas tlen kuajli niman tikititis ika tiktlakaita? ¿Tleka ijkon tiknemilia?

Tla se teueuentsin nonojnotsa iuan isiuauj niman ijkon itlaj kitlapejpeniskej, uelis kitlapejpeniskej tlen más kuajli. Melauak, kemantika tesiuauj kanaj xkuelitas tlen kitlapejpenis iueuentsin. Ijkuak ijkon panos, uelis kijlis tlen kinemilia, san ika, noneki kichiuas ika tetlakaitalistli. Tesiuatsin noijki noneki kilnamikis ika Jehová yokitlali iueuentsin para yejua makitlapejpeni tlenon más kuajli yes para ifamilia. Niman noneki kitlakamatis tlen yokitlapejpeni iueuentsin. Tla ijkon kichiua, nochi ifamilia melak yolpakis. Xkitakan 1 Pedro 3:3-5 niman xtlajtokan itech yejuin:

• ¿Kenijki nomachilia Jehová ijkuak kita ika se siuatl kitlakaita iueuentsin?

6. Akin yononamiktijkej uelis kiyektlaliskej tlen kixnamikij

VIDEO: Kenon tikchikauas monamiktilis (5:44)

• Ijkon ken otikitakej ipan video, ¿tleka tikijtouaj ika yejon tlakatl niman isiuauj xok kuajli nouikayaj?

• ¿Tlenon okichiujkej niman ijkon oksejpa kuajli nouikaskej?

Xkitakan 1 Corintios 10:24 niman Colosenses 3:13. Ijkuak nenkitaskej se texto, xtlajtokan itech yejuin:

• ¿Tleka yejuin texto uelis kinpaleuis akin yononamiktijkej kuajli manemikan?

Biblia techijlia ika noneki titetlakaitaskej, yejon kijtosneki ika noneki kuajli titenotsaskej niman tiktechiuiliskej tlen kuajli. Xkitakan Romanos 12:10 niman xtlajtokan itech yejuin:

• Miyekej kanaj uelis kijtoskej: “Niktlakaitas noixnamik hasta ijkuak yejua peuas nechtlakaitas”. San ika ¿kuajli yeskia tla ijkon tiknemiliaj? ¿Tleka ijkon tiknemilia?

TLEN OTIUEL

Akin yononamiktijkej uelis yolpakiskej tla notlasojtlaj, tla notlakaitaj niman tla kichiuaj tlen Biblia kijtoua.

¿Kenon titlanankiliskia?

• ¿Tlenon uelis kichiuas se teueuentsin niman ijkon más yolpakis iuan isiuatsin?

• ¿Tlenon uelis kichiuas se tesiuauj niman ijkon más yolpakis iuan iueuentsin?

• Tla yotimonamikti, ¿katlejua texto uelis mitspaleuis más xmotlasojtla iuan moixnamik?

OKSEKI XKITA

Xkita tlenon uelis mitspaleuis xyolpaki iuan mofamilia.

Mochanejkauan uelis pakiskej (Folleto)

Xkita se video kampa nesi kenijki se tlakatl iuan isiuatsin melak yolpakij pampa kitlakamatij toTajtsin.

Melauak tlasojtlalistli (4:26)

Xkita kenijki se siuatl uelis kiteititis ika kitlakaita ken tlayekana iueuentsin.

“¿Tleka se siuatl noneki kitlakaitas ken tlayekana iueuentsin?” (Amatl Tekakistilijketl, 15 de mayo de 2010)

¿Tlenon okinpaleui se tlakatl niman isiuatsin akin yonokaujkaj ixpan tekiuajkej oksejpa san sekan manemikan?.

Jehová otechpaleui oksejpa san sekan matinemikan (5:14)