XPEUA XTENOTSA
TLAMACHTIJLI 2
Xtlajto ken nochipa titlajtoua
Tlen Biblia kijtoua: “Se tlajtojli tlen noijtoua ijkuak noneki, ¡melak kuajli!” (Prov. 15:23, TNM).
Tlen okichiuj Felipe
1. Xkita VIDEO noso xkamapoua Hechos 8:30, 31. Tla ijkon yotikchiuj, aman xkinnankili yejuin:
¿Kenijki Felipe opeuj tlajtoua iuan yejon tlakatsintli?
¿Tleka melak kuajli ken Felipe okinotstajsik yejon tlakatsintli niman ijkon ouel okimachti itlaj tlen xkimatiya?
¿Tlenon tiuelij itech ken Felipe okichiuj?
2. Tla titlajtouaj ijkon ken nochipa ijkuak yakaj tiknotsaj, kanaj más kinektos techkakis niman noijki kuajli nomachilis.
Xchiua ken Felipe
3. Xtlatlachia. Xkita tlenon kichiua niman xkita tla kineki kikakis tlen tikijlia niman xmotlajtolti: “¿Nesi ika kinektika nouan nonojnotsas?”. Tla tikneki tikijlis itlaj itech Biblia, uelis tiktlajtoltis: “¿Tikmatiya ika. . . ?”. Tla xkineki mouan tlajtos, maka xchiualti.
4. Maka xmosiaujkaua. Maka xnemili ika noneki nimantsin peuas titlajtos itech Biblia. Xkita kemanon uelis itlaj tikijlis itech Biblia niman yolik xnojnotstiuj itech yejon. Kemantika nonekis timochias hasta ijkuak oksejpa iuan titlajtos para itlaj tikteneuilis itech Biblia.
5. Xpapatla tlen tikijtos. Kanaj uelis nenpeuaskej nentlajtoskej itech okse tlemach tlen nion xtiknemiliaya. Tla ijkon panoua, kanaj xuelis tikijlis tlen tejua yotiknemilijka, san ika, xnekto tikijlis itlaj tlen makinamiki itech tlen mitsijlitika.
NOIJKI XKITA
Ecl. 3:1, 7; 1 Cor. 9:22; 2 Cor. 2:17; Col. 4:6