OKSEJPA XTEITATI
TLAMACHTIJLI 8
Xteijyoui
Tlen Biblia kijtoua: “On yejuan tetlajsojtla tlajtlamach kimijyouilia oksekimej” (1 Cor. 13:4).
Tlen okichiuj Jesús
1. Xkita VIDEO noso xkamapoua Juan 7:3-5 niman 1 Corintios 15:3, 4, 7. Tla ijkon yotikchiuj, aman xkinnankili yejuin:
¿Tlenon okichiujkej ikniuan Jesús ijkuak kachtopa okinnojnots?
¿Kenijki tikmatij ika Jesús xokinemili ika ikniuj Santiago xkeman ueliskia nopatlas?
¿Tlenon tiuelij itech ken Jesús okichiuj?
2. Sekimej xnimantsin kiseliskej tlen melauak, ika yejon, xnoneki nimantsin tosiaujkauaskej.
Xchiua ken Jesús
3. Xyejyeko xchiua itlaj okse. Kemantika kanaj akin tikijlis tla kineki nomachtis Biblia mitsijlis ika xkineki, san ika, tla ijkon panoua, maka xchiualti makineki nomachtis. Aman tej, tla tikita ika kuajli yes, xkititi se video noso se tlamachtijli kampa nesi kenijki titemachtiaj niman kenijki uelis kipaleuis tla yejua peua nomachtia Biblia.
4. Xkilnamiki ika xtinochijkej. Tla akin ken tikita noso yakaj akin otiknojnots xmás kuajli kimati tla uelis peuas nomachtis Biblia noso xkimati tla uelis kineltokas itlaj tlen noijtoua ipan Biblia, xmotlajtolti tleka. ¿Kanaj yejon tlaltikpakchane melak kitlasojtla itlaj tlen kineltoka? ¿Kanaj akin ken kimita noso ivecinos xkinekij manomachti Biblia? Xmaka tiempo para kuajli matlanemili itech tlen yonentlajtokej niman makipatiojkaita tlen temachtia Biblia.
5. Xnojnotsa Jehová itech yejon tlaltikpakchane. Xtlajtlanili Jehová mamitspaleui maka nimantsin xmosiaujkaua niman mamitspaleui kuajli xnemili tlen tikchiuas niman tlen tikijtos. Noijki xtlajtlanili mamitspaleui xmati kemanon xok nonekis tikontlajpalos akin nesi ika xmás kineki nomachtis Biblia (1 Cor. 9:26).