Akin makisaskej itech itlamiyan tonaltin nemiskej ipan se kualtsin xochitlalpan.
¿Tlenon kijtoua Biblia?
¿Tinemij “itlajtlankan [noso itlamiyan] on tonajli”?
¿Kenon tiknemilia tejua?
Kema
Ka
Kanaj kema
Tlen Biblia kijtoua
“Ika sa itlajtlankan [noso itlamiyan] on tonajli sanoyej xkuajli tonaltin yes” (2 Timoteo 3:1). Teotlajtoltin itech Biblia niman tlen nochiujtok teititiaj ika tinemij itlamiyan tonaltin.
¿Tlenon noijki uelis tomachtiskej itech Biblia?
Ipan itlamiyan tonaltin oniaskia guerras, apistli, tlalolinalistin niman miyek temojti kokolistli tlen nosemoyauaskia (Mateo 24:3, 7; Lucas 21:11).
Ipan itlamiyan tonaltin, tlaltikpakchanejkej melak ijtlakauiskiaj ken nemiskiaj niman ken tlanemiliskiaj (2 Timoteo 3:2-5).
¿Tlenon kichiaj tlaltikpakchanejkej ika tlayekapan?
Tlen sekimej kineltokaj Ipan itlamiyan tonaltin, tlaltikpaktli niman tlaltikpakchanejkej popoliuiskej. Niman oksekimej kinemiliaj ika nochi noyektlalis. ¿Tlenon tiknemilia tejua?
Tlen Biblia kijtoua
“Akin yolmelaujkej nemiskej ipan tlaltikpaktli, niman nochipa ipan chantiskej” (Salmo 37:29).
¿Tlenon noijki uelis tomachtiskej itech Biblia?
Ijkuak tlamis itlamiyan tonaltin popoliuis nochi tlen xkuajli (1 Juan 2: 17).
Tlaltikpaktli nokuepas se xochitlalpan (Isaías 35:1, 6).