Matomachtikan melak kuajli matitenojnotsakan: xkinpaleui akin kemach peuaj

Tleka melak noneki. Akin kemach nochiuaj inomachtijkauan Jesús noneki nomachtiskej “makitlakamatikan nochi” tlen yejua otlanauati, se itech yejuin, ika noneki temachtis tlen melauak (Mat. 28:19, 20). Miyekej akin nomachtijtokej yonoijkuilojkej Kampa Tomachtiaj iTekiyo toTajtsin niman kanaj kinnojnotsaj inchanejkauan niman akin imiuan nouikaj. Ika yolik, noskaltijtias ken kitlasojkaitaj tlen nomachtijtiuej. Ijkuak kuajli kasikamatiskej ika Jehová kineki nochimej tlaltikpakchanejkej makikakikan kuajli tlajtoltin, kanaj kijtoskej ika kinekij kisaskej ontenojnotsaskej (Rom. 10:13 TNM; Rom. 10:14). Sakin, tla yokimijlikej ika uelis kisaskej ontenojnotsaskej iuan tlanechikojli, nonekis kuajli nomachtiskej, yejon kinpaleuis maka manomojtikan ijkuak kisaskej niman noskaltis intlaneltokil itech toTajtsin (Lucas 6:40).

Kenon tikchiuaskej:

Xpaleui akin kemach peua tenojnotsa makinpiya amatlajkuiloltin tlen ika tenojnotsas niman ika temachtis Biblia. Xkititi tlenon tejua tikitki ipan mobolso noso maletín niman xkijli kenon tikintekitiltia amatlajkuiloltin tlen ompa tikimitki.
San sekan xkitakan kenon nenpeuaskej nentenojnotsaskej itech tlen uajlauj ipan ToTekiyo itech Tekiuajyotl niman xmomajmachtikan. Xkintekitiltikan itech kenon nentenojnotsaskej ken uajlauj ipan página 82 ipan amoxtli Benefíciese tlen manoixmati kampa nentenojnotsaj. Xpaleui akin kemach peua matlajtolmoyaua ika itlajtoluan. Xtlalnamikti ika ijkuak kisas ontenojnotsas, melak noneki kuajli nokualnextis ken kinamiki (2 Cor. 6:3, 4).
Okseki itech tlen tikmachtis. Xkititi se tarjeta de territorio niman xkititi kenon notemiltia se registro de casa en casa niman xkijli tlenon kijkuilos ijkuak kinextis akin kineki kimatis okseki itech toTajtsin (1 Cor. 3:6). Xkititi kenon kitekitiltis jw.org niman amatlajkuilojli Buenas nuevas para gente de todas las naciones.
Maka xmosiaujkaua niman xkijli ika melak kuajli ken noskaltijtika ipan itlaneltokil (Prov. 25:11). Xmachti ken tejua tikchiua. Akin kemach peua tenojnotsa xnimantsin kilkauas kenon ika tlasojtlalistli niman ika yolpakilistli otikpaleui matenojnotsa.

Ipan yejuin metstli xyejyeko yejuin:

Xtenojnotsa techajchan iuan akin tikmachtijtika niman xkuika kampa otimokauj oksejpa timokuepas tontetlajpalos noso ijkuak tikonmachtis se tlaltikpakchane. Tla amantsin xtikpiya akin tikmachtijtika, iuan xuiya se tlajtolmoyaujketl akin xuejkaui ika opeuj tenojnotsa.