Matomachtikan melak kuajli matitenojnotsakan: xchiua ika maonia tlen iuan titlajtos ijkuak timokuepas

TLEKA MELAK NONEKI:

Tiknekij tikatekiskej xinachtli tlen melauak otiktokakej (1Co 3:6). Ijkuak tiknextiaj yakaj akin kineki okseki kimatis, kuajli tla tikchiuiliaj se tlajtoltilistli tlen tikitaskej ijkuak oksejpa tikontlajpaloskej. Yejon kichiuas ika tlaltikpakchane makineki kimatis niman techpaleuis toyektlaliskej ijkuak oksejpa tikontlajpaloskej. Ijkuak tokuepaskej, uelis tikijliskej ika tiknankiliskej tlen otokaujkaj ijkuak otiktlajpalotoyaj.

KENON TIKCHIUASKEJ:

• Ijkuak tikyektlalis kenon titenojnotsas techajchan, xnemili tlen tlajtoltilistli uelis nonankilis ijkuak timokuepas tontetlajpalos. Uelis tiktlapejpenis se tlajtoltilistli tlen nonankilia ipan amatlajkuilojli tlen tiktetekiuiltis. Noijki uelis tijkixtis itech se amatlajkuilojli tlen ika titemachtia Biblia niman tikititis yejon amatlajkuilojli ijkuak oksejpa tikontlajpalos.

• Ijkuak yotitlan timonojnotsa iuan yakaj akin okseki kineki kimatis, xkijli ika tikuelitaskia oksejpa iuan titlajtos niman xchiuili tlajtoltilistli tlen tikneki iuan titlajtos okse tonajli. Tla tiueli, xtlajtolti kenon uelis tiknextis.

• Tla yotikijli kemanon tikontlajpalos, xchiua ijkon ken yotikijto (Mt 5:37).