Titenotsaj mayakan ipan ueyi tlanechikojli yeyi tonajli

Nochi xiujtin, melak tochikauaj tikteijliaj itech nochi kualtsin tlen tikseliaj ipan toueyitlanechikol yeyi tonajli. Pampa tiknekij ika tlaltikpakchanejkej noijki mayolpakikan itech tlen techmaka Jehová, melak tochikauaskej tikinnotsaskej miyekej tlaltikpakchanejkej (Sl 34:8). Ipan tlanechikoltin, grupos ika tlayekankej kijtoskej kenon uelis noxelos yejuin amatsintli niman ijkon miyekej makiselikan.

TLEN XNONEKI TIKILKAUASKEJ

• ¿Kemanon tikpiyaskej ueyi tlanechikojli?

• ¿Kemanon peuas ueyi tekitl ipan notlanechikol?

• ¿Kemanon nochiua tlanechikojli ijkuak tikisaj tontenojnotsaj?

• ¿Tlenon yonikijto nikchiuas ipan ueyi tekitl?

• ¿Akinon nikijlis mauiya ipan ueyi tlanechikojli?

MATIKTETEKIUILTIKAN AMATSINTLI

Tla yotitetlajpalo, sakin uelis tikijtos:

“Titlapaleuijtokej ipan ueyi tekitl tlen nochiujtika nochiuiyan, titeijliaj mayakan ipan ueyi tlanechikojli tlen ueyi kijtosneki. Kemanon, tlen hora niman kanon nochiuas uajnestiuj ipan amatsintli. Tikuelitaskiaj touan xmosentlali”.

MATITEPALEUIKAN TLA YAKAJ KINEKI KIMATIS OKSEKI

Maski tiknekij tikimijliskej miyekej mauiyan ipan ueyi tlanechikojli, noneki titlatlachixtoskej niman tikinpaleuiskej nochimej akin kinekij kimatiskej okseki.

Ipan sábados niman domingos, uelis tiktetekiuiltis revista iuan amatsintli.