Kenon uelis kuajli titlanankiliskej

Tlanankilistin kuakualtin kichikauaj tlanechikojli (Ro 14:19). Noijki kipaleuiya akin kitemaka (Pr 15:23, 28). Ika yejon, matikyejyekokan titlanankiliskej maski san sejpa ipan tlanechikojli. Pampa xnochipa techmakaskej tlanankilistli, noneki tikyektlaliskej miyek tlanankilistin.

¿Kenon se kuajli tlanankilistli?

• Nasikamati, xouijtika, niman xueyak. Niman ijkuak titlanankiliskej maka mapano treinta segundos.

• Melak kuajli tla tikijtouaj ika totlajtoluan.

• Xnoneki oksejpa tikijtoskej tlen okse yokijto.

¿Tlenon tikchiuaskej tla tejuamej kachtopa tiknankiliaj se tlajtoltilistli?

• Matikijtokan san tlen noneki niman maka matiuejkauikan.

¿Tlenon tikchiuaskej tla yononankili tlajtoltilistli?

• Matikteititikan kenon se texto itech Biblia tlen ompa uajlauj kipaleuiya tlen tomachtijtokej.

• Matikijtokan kenon uelis techpaleuis ipan tonemilis.

• Matiktetomilikan kenon uelis tikchiuaskej tlen tomachtijtokej.

• Matikijtokan se tlen totech noso yakaj itech onochiuj niman makinamiki tlen tomachtijtokej.