¿Chikauak motlaneltokil itech tlen Jehová yokijto kichiuas?

Josué niman Salomón kuajli okitakej ika nochi tlen Jehová okijto ijkon onochiuj (Jos 23:14; 1Re 8:56). Tlen okitakej yejuin omemej tlakamej yemelak onochiuj, yejon kichikaua totlaneltok (2Co 13:1; Tit 1:2).

¿Kenon okichiuj Jehová nochi tlen okijto ipan itonaluan Josué? Xkita iuan mochanejkauan video Xonka tlajtojli tlen xnochiua. Sakin xkinnankilikan yejuin tlajtoltilistin: 1) ¿Kenon uelis tikpiyaskej tlaneltokijli ken okipix Rahab? (Heb 11:31; Snt 2:24-26). 2) ¿Kenon kiteititia ineskayo Acán ika akin kichiuaj tlen xkuajli maski ikimatstokej xkuajli onkisaj? 3) ¿Tleka gabaonitas okikajkayaujkej Josué niman ijkon noyolseuiskej inuan israelitas tla yejuamej noijki kuajli tlaixnamikiyaj? 4) ¿Kenon onochiuj tlen Jehová yokijtoka ijkuak makuiltin tekiuajkej amorreos okixnamijkej Israel? (Jos 10:5-14). 5) Pampa tiktejtemoua kachtopa iTekiuajyo ipan monemilis, ¿tlenon yokichiuj Jehová mopampa? (Mt 6:33, TNM).

Ijkuak titlanemiliaj itech tlen Jehová yokichiuj, tlen kichiujtok niman tlen kichiuas, chikaui totlaneltok itech tlen yokijto kichiuas (Ro 8:31, 32).