“Xtlakaita motaj niman monan”

Ijkuak Jesús nemiya ipan tlaltikpaktli, okijto ika melak nonekiya manochiua yejuin tlanauatijli: “Xtlakaita motaj niman monan” (Éx 20:12; Mt 15:4). Jesús ouel ijkon okijto pampa okintlakamat itajuan ijkuak san telpochtsintli katka (Lu 2:51). Ijkuak iueyi katka, okichiuj ika inan makipiya tlen kipoloskia sakin ijkuak yejua yomijka (Jn 19:26, 27).

Ipan yejuin tonajli, ijkuak telpokamej niman ichpokamej akin kichiuaj ken Cristo kuajli kinnotsaj itajuan niman kintlakamatij, kimititiaj ika kintlakaitaj. Yejuin tlanauatijli tlen techijlia matikintlakaitakan totajuan xkipiya kemanon tlamis. Maski totajuan youeuentsintiakej, noneki tikimititiskej ika tikintlakaitaj ijkuak tikinkakij intlajtolpaleuilisuan (Pr 23:22). Noijki tikintlakaitaj ijkuak tikimititiaj ika tikintlasojtlaj niman tikinpaleuiyaj makipiyakan tlen ika nopanoltiskej ijkuak nonekis (1Ti 5:8). Tla tiuejueyimej noso titelpokamej okse ken uelis tikimititiskej totajuan ika tikintlakaitaj, ijkuak xtikajkauaj ika imiuan titlajtouaj.

XKITAKAN VIDEO ¿KENON TIMONOJNOTSAS IMIUAN MOTAJUAN?, SAKIN XKINNANKILIKAN YEJUIN TLAJTOLTILISTIN:

• ¿Tleka kemantika mitstekiyomaka timonojnotsas imiuan motajuan?

• ¿Kenon uelis tikintlakaitas motajuan ijkuak imiuan timonojnotsas?

  

• ¿Tleka melak tepaleui tla timokojtilia timonojnotsas imiuan motajuan? (Pr 15:22).