“Xtlatlachixtokan”

25:1-12

Maski Jesús okinpouili inomachtijkauan, akin tlapejpeniltin katkaj, neskayotl itech majtlaktli ichpokamej noijki uelis kinpaleuis nochimej akin kichiuaj ken Cristo (w15-S 15/3 págs. 12-16). “Xtlatlachixtokan, pampa, xnenkimatij tlen tonajli nion hora” (Mt 25:13, TNM). ¿Uelis tiktetomilis yejuin neskayotl tlen Jesús otemachti?

• Novio (versículo 1): Jesús.

• Ichpokamej tlamachilisejkej (versículo 2): Tokniuan tlapejpeniltin akin yonoyektlalijkej niman ijkon kuajli kichiuaskej intekiyo niman petlanij kentla tlauijli hasta ijkuak nochi tlamis (Flp 2:15).

• Okakistik chikauak: “¡Ye uajlau on novio!” (versículo 6): Tlen kiteititiskia ika Jesús itlanauatijtoskia.

• Ichpokamej xtlamachilisejkej (versículo 8): Tlapejpeniltin akin kisaj konnamikij novio, san ika, xtlatlachixtokej niman xoyolmelaujkanenkej.

• Ichpokamej tlamachilisejkej xokinejkej kitemakaskej aceite (versículo 9): Sakin tla yokiselijkej sa ika tlami sello, tlapejpeniltin akin oyolmelaujkanenkej xok uelis kinpaleuiskej akin xoyolmelaujkanenkej.

• “Oyejkok on novio” (versículo 10): Jesús teyolkuitis niman tetlajtlakolmakas sa ijkuak itlamis ueyi tlajyouilistli.

• Ichpokamej tlamachilisejkej okalajkej iuan novio ipan iluitl kampa nonamiktilo niman onotsauk tlatsakuilyotl (versículo 10): Jesús kinsentlalia ipan iluikak tlapejpeniltin akin oyolmelaujkanenkej, niman akin xoyolmelaujkanenkej xkiseliaj intlaxtlauil.