TLEN TEPALEUI ITECH ITLAJTOL TOTAJTSIN | LUCAS 8, 9
¿Tlenon tikchiuaskej tla tiknekij tiktokaskej Jesús?
Akin tlaxotla noso tlaxoponia xnonekiya ontlachias ika tlakuitlapan, pampa tla ijkon kichiuaya, ueliskia xmelajki tlakuentekis. Akin tikchiuaj ken Cristo, noijki xnoneki tijkauiliskej ika tlajtlamach tlen onka ipan yejuin tlaltikpaktli tlen otijkaujkej ika tlakuitlapan matechtsakuili (Flp 3:13).
Ijkuak tikixnamikij tlaueltin, kanaj tikilnamikij nochi tlen kuajli topan onochiuj yeuejkaui niman kanaj peua tiknemiliaj kenon tinemiyaj ijkuak xitikixmatiyaj tlen melauak. Ijkuak tikchiuaj, miyekpa tlen kuajli topan onochiuj tikitaj ken itlaj tlen sajnoye kuajli katka niman tlen xkuajli topan onochiuj tikitaj ken itlaj tlen xueyi katka. Yejuin tlen inpan opanok israelitas sakin ijkuak youajkiskaj itech Egipto (Nú 11:5, 6). Tla sajnoye titlanemiliaj itech ken yeuejkaui tinemiyaj, kanaj uelis techyoltilanas oksejpa ijkon matinemikan. Melak kuajli tla titlanemiliaj itech tlateochiualistin tlen aman tikinpiyaj niman maka keman matikilkauakan tlen tikpiyaskej itechkopa iTekiuajyo toTajtsin (2Co 4:16-18).