MATINEMIKAN KEN CRISTO
Xtlaj onenpoliuj
Sakin ika yokintlakualtijka ika se milagro kanaj 5,000 tlakamej, noijki siuamej niman kokonej, Jesús okimijli inomachtijkauan: “Xsentlalikan nochi on tlen onokau para ma ka itlaj ma ixpoliui [manenpoliui, TNM]” (Jn 6:12). Jesús okiteititi ika kitlasojkamatiya tlen Jehová kitemaka ijkuak xokinenpolo tlakuajli.
Ipan yejuin tonaltin, Grupo akin Tlayekana ipan nochi tlanechikoltin nokojtilia kichiuas ijkon ken Jesús, ijkuak kuajli kitekitiltia tlemach tlen ika nochiua itekiyo toTajtsin. Se neskayotl, ijkuak onochijchiuj oficina kampa noyekanaj nochi sucursales ipan Warwick (Nueva York), onotlapejpeni tlen makichiua ika kuajli manotekitilti tomintsin tlen tokniuan kitemakaj ika nochi inyojlo.
¿KENON UELIS KUAJLI TIKTEKITILTISKEJ TLEMACH TLEN IKA NOCHIUA ITEKIYO TOTAJTSIN...
... ijkuak tinemij ipan totlanechikoluan?
... ijkuak tikintlajtlanij amatlajkuiloltin tlen san tejuamej tiktekitiltiskej? (km-S 5/09 pág. 3 párr. 4).
... ijkuak tikimitkij amatlajkuiloltin tlen ika titenojnotsaskej? (mwb17.02 “Kuajli matikintekitiltikan amatlajkuiloltin tlen tlajtouaj itech Biblia” párr. 1).
... ijkuak titenojnotsaj? (mwb17.02 “Kuajli matikintekitiltikan amatlajkuiloltin tlen tlajtouaj itech Biblia” párr. 2 niman recuadro).