TLEN TEPALEUI ITECH ITLAJTOL TOTAJTSIN | JUAN 7, 8
Jesús okiueyiteneuj iTajtsin
Jesús nochipa okiueyiteneuj iTajtsin iluikakchane ika tlen kijtouaya niman ika tlen kichiuaya. Kinekiya ika nochimej makimatikan ika nochi tlen kijtouaya ualeuaya itech Jehová. Yejua ika, ijkuak temachtiaya kitekitiltiaya iTlajtol toTajtsin niman miyekpa kiteneuaya tlen ijkuiliujtoya. Niman ijkuak yakaj kiueyiteneuaya, Jesús nochipa kichiuaya ika makitakan ika Jehová akin melak ueyixtok xijkon ken yejua niman xkeman okinek makiueyiteneuakan. Yejua kitaya ika melak nonekiya kichiuas tekitl tlen Jehová yokinauatijka (Jn 17:4).
¿Kenon uelis tikixkopinaskej Jesús...
... ijkuak titemachtiaj itech Biblia noso ijkuak titemachtiaj ipan plataforma?
... ijkuak oksekimej techueyiteneuaj?
... ijkuak nonekis tiktlapejpeniskej kenon tijkuiskej totiempo?