Matoyektlalikan ijkuak tikilnamikiskej imikilis Cristo

Ipan yejuin xiuitl ika tlayekapan más tiempo tikpiyaskej niman ijkon toyektlaliskej ijkuak tikilnamikiskej imikilis Cristo. Ijkuak nopanoltis Conmemoración ipan semana, xok nopanoltis tlanechikojli Nemilistli niman Tekitl tlen Tomachtiskej, niman ijkuak nopanoltis itlamiyan semana, xnopanoltis tlamachtijli itech Biblia niman Amatl Tekakistilijketl. ¿Kenon uelis kuajli tiktekitiltiskej yejuin tiempo? Ijkon ken nochiuaya ipan kachtopa siglo, noneki tikchiuaskej nochi tlen noneki ijkuak noilnamiki imikilis Cristo (Lu 22:7-13; km 3/15 1). Tinochimej noneki tikyektlalijtiaskej tlen tikpiyaj ipan toyojlo. ¿Kenon uelis tikchiuaskej?

• Kuajli xnemili tleka melak ueyi kijtosneki ika tejua ompa xnemi (1Co 11:23-26).

• Xchiuili teoyotl Jehová niman xkita kenon iuan timouika (1Co 11:27-29; 2Co 13:5).

• Xkinpoua toamatlajkuiloluan tlen kitetomiliaj tlenon kijtosneki Conmemoración niman itech xtlanemili (Jn 3:16; 15:13).

Sekimej tokniuan kipouaj tlen kijtoua Biblia itech imikilis Cristo tlen uajnestiuj ipan amatlajkuilojli Mojmostla matomachtikan iTlajtol toTajtsin niman itech tlanemiliaj. Oksekimej kinpouaj textos tlen uajnestiuej ipan tlaixkopinajli tlen uajlauj tlatsintlan. Niman oksekimej tokniuan nomachtiaj tlen kijtoua Amatl Tekakistilijketl kampa tlajtoua itech imikilis Cristo niman itech kenon Jehová niman Jesús otechititijkej intlasojtlalis. Maski san katlejua tiktlapejpeniskej tomachtiskej, uelis techpaleuis más matiknisiuikan Jehová niman iKoneuj.