Xchiua nochi tlen noneki niman ijkon tikinselis itlamachtiluan ikalpan toTajtsin

TLEKA MELAK NONEKI. ToUeyi Tlamachtijkauj, Jehová, melak kuajli ken techmachtia. Techititia kenon uelis kuajli toyekanaskej niman techyektlalijtiuj ipan tonemilis niman ijkon uelis kuajli tinemiskej ipan xochitlalpan tlen yokijto techmakas. Yejua melak kuajli ken techmachtia niman xitlaj tiktlaxtlauiliaj (Isa 11:6-9; 30:20, 21; Ap 22:17). Nochi tlamachtiltin tlen techmaka Jehová, techpaleuiya kuajli matikimijlikan oksekimej tlen uelis kinpaleuis mamakisakan (2Co 3:5).

KENON TIKCHIUASKEJ:

• Tla tokojtiliaj tochiuaskej yolyemankej niman tla timelajkanemij (Sl 25:8, 9).

• Tla tikseliaj nochi tlamachtiltin tlen techmaka ikalpan toTajtsin, ken ijkuak tikpanoltiaj se tlamachtijli ipan tlanechikojli.

• Tla tokojtiliaj tikchiuaskej okseki tekitl ipan ikalpan toTajtsin (Flp 3:13).

• Tla tikchiuaj nochi tlen noneki niman ijkon más matechmachtikan (Flp 3:8).

XKITAKAN VIDEO ITLAMACHTILUAN JEHOVÁ KICHIKAUAJ TOTLANELTOKIL, SAKIN XKINNANKILIKAN YEJUIN TLAJTOLTILISTIN:

• ¿Tlenon okixnamijkej sekimej tokniuan niman ijkon ouel oyajkej ipan Tlamachtijli tlen kiseliaj Akin Tenojnotsaj itech iTekiuajyo toTajtsin?

• ¿Tlenon temachtiaj ipan Tlamachtijli tlen kiseliaj Akin Tenojnotsaj itech iTekiuajyo toTajtsin?

• Sekimej tokniuan kinpaleuiyaj akin yokiselijkej se tlamachtijli manomatikan ipan tlanechikojli kampa ontlapaleuiyaj, ¿kenon kichiua?

• ¿Tlenon noneki kichiuaskej akin kinekij yaskej ipan Tlamachtijli tlen kiseliaj Akin Tenojnotsaj itech iTekiuajyo toTajtsin? (kr-S 189).

• Tejua, ¿ipan katlejua okse tlamachtijli tlen kitemaka ikalpan toTajtsin tikneki tias?