Matinemikan imiuan akin kitlasojtlaj Jehová

¿Tleka noneki matinemikan imiuan akin kitlasojtlaj Jehová? Pampa akin imiuan touikaj uelis techpaleuiskej noso techijtlakoskej (Pr 13:20). San matikonteneuakan tlen ipan onochiuj tekiuaj Jehoás, yejua okichiuj “tlen kuajli ixpan toTEKO” ijkuak onen iuan teopixki Jehoiadá (2Cr 24:2). Ijkuak Jehoiadá omik, Jehoás okitlalkaui Jehová pampa onouikak imiuan akin xtlaneltokayaj (2Cr 24:17-19).

Ipan kachtopa siglo, apóstol Pablo okijto ika tlanechikojli katka ken “sen kajli ueyi” niman akin ompa nosentlaliaj kentla “seseknekamej trastes” tlen notekitiltiaj. Tejuamej tochiuaj ken itlaj “trastes” tlen “kitekitiltia ipan se tekitl yejuan ueyixtikaj”, ijkuak xtouikaj imiuan akin xkitlakamatij Jehová, uelis yeskej iteixpantijkauan Jehová noso tochanejkauan (2Ti 2:20, 21). Ika yejon, nochipa matikintejtemokan akin yemelak kitlasojtlaj Jehová niman techyolchikauaj matiktekichiuilikan.

XKITAKAN VIDEO KENON XTOSENTLALISKEJ IMIUAN AKIN UELIS TECHIJTLAKOSKEJ, SAKIN XNANKILIKAN YEJUIN:

• ¿Kenon uelis techijtlakos tla miyek tiempo tiuejkauij imiuan akin xkitlakamatij toTajtsin?

• ¿Tlenon okinpaleui yejuin yeyi tokniuan niman ijkon okintlalkauijkej akin kimijtlakojtoyaj?

• ¿Tlen textos uelis techpaleuiskej kuajli matikintlapejpenikan akin imiuan touikaskej?