ToTajtsin xkilkaua nochi tlen kuajli tikchiuaj

Ijkuak tiktekichiuiliaj Jehová, tinochimej uelis tikchiuaskej miyek tlen yejua xkilkauas. Ijkon ken se tajtli xkilkaua tlen kuajli okichiuj ikoneuj, Jehová noijki xkilkaua nochi tlen kuajli tikchiuaj niman kenon tikititiaj totetlasojtlalis (Mt 6:20; Heb 6:10). Melauak ika tinochimej xsan noijki tlen tiuelij tikchiuaj niman xsan noijki ken ueli tiktekichiuiliaj. San ika, tla tokojtiliaj tikchiuaskej nochi tlen tiuelij niman ijkon tiktekichiuiliskej Jehová, melak tiyolpakiskej (Gál 6:4; Col 3:23). Melak yeuejkaui opeuj ika miyekej tokniuan tlapaleuiyaj Betel. Tejua, ¿noijki ueliskia ompa tontekitis? Tla ka, ¿uelis yakaj tikyoleuas ompa matekititi? Noso, ¿uelis tikpaleuis se mochanejkauj akin itekiti Betel niman ijkon ok ompa makitekichiuilijto Jehová?

XKITAKAN VIDEO ¿TLENON UELIS TIKCHIUAS NIMAN IJKON TONTEKITIS BETEL?, SAKIN XNANKILIKAN YEJUIN:

• ¿Tlenon noneki techyolmapeuas matitekititij Betel?

• ¿Tlenon kijtouaj sekimej tokniuan itech tlateochiualistin tlen yokiselijkej pampa tlapaleuiyaj Betel?

• ¿Tlenon kintlajtlaniliaj akin kinekij ontekitiskej Betel?

• ¿Tlenon noneki tikchiuas tejua niman ijkon tontlapaleuis Betel?