Matimelajkanemikan ipan yejuin itlamiyan tonaltin

TLEKA MELAK NONEKI. Sa achijtsin poliui, panos miyek tlen melak temojkatlachialti niman nonekis tikteititiskej ika yemelak tiyolchikaujkej niman ika yemelak titlaneltokaj itech Jehová. Ueyi tlajyouilistli peuas ijkuak kipopoloskej tlaneltokijli tlen xmelauak (Mt 24:21; Ap 17:16, 17). Ijkuak yejon panos, kanaj nonekis tikteijliskej tlen xkuajli nochiuas (Ap 16:21). Gog de Magog techixnamikis (Eze 38:10-12, 14-16). Kuakon peuas iguerra “Dios yejuan nochi ueli kichiua” (Ap 16:14, 16). Tla tiknekij tiyolchikaujkej yeskej ika tlayekapan, noneki timelajkanemiskej ipan tlen aman tikixnamikij.

KENON TIKCHIUASKEJ

• Tla ika yolchikaualistli tikteititiaj ika tiktlakamatij itlanauatiluan Jehová (Is 5:20).

• Tla tikueyichiuaj Jehová imiuan tokniuan (Heb 10:24, 25).

• Tla nimantsin tikchiuaj tlen ikalpan toTajtsin technauatia (Heb 13:17).

• Tla titlanemiliaj itech ken yeuejkaui Jehová okimakixti ikalpan (2Pe 2:9).

• Tla tiknotsaj Jehová niman itech titlaneltokaj (Sl 112:7, 8).

XKITAKAN VIDEO TLEN PANOS IKA TLAYEKAPAN NONEKIS MATIYOLCHIKAUJKEJ (SAN ACHIJTSIN), SAKIN XNANKILIKAN YEJUIN:

• 

  ¿Tleka tikijtouaj ika sekimej tokniuan ouijtika okitakej tetlakamatiskej ijkuak onopatlak seki tlemach ipan intlanechikol?

• 

  ¿Kenon tikteititiaj ika tiyolchikaujkej ijkuak titetlakamatij?

• 

  ¿Tleka nonekis tiyolchikaujkej yeskej ijkuak yejkos Armagedón?

• 

  ¿Tlenon kiteneua Biblia tlen kichiua kuajli matikneltokakan ika Jehová uelis techmakixtis? (2Cr 20:1-24).