Matikintekitiltikan revistas

Itech 2018 ika tlayekapan, revistas tlen tikintemakaj kitetomiliaj san se tlamachtijli. Yejuin revistas noijki onka ipan Tlen ika titemachtiaj, ika yejon, uelis tikintekitiltiskej. Noijki, uelis tikinmitkiskej seki revistas ijkuak tontlakouaskej noso ijkuak tonpaxaloskej. Revistas xokinchijchiujkej ika matitemachtikan, san ika, uelis kichiuas ika oksekimej makinekikan kimatiskej okseki itech toTajtsin.

Ijkuak tiknojnotsas yakaj, xpouili se tlaxelojli ipan Biblia niman xteneuili se tlamachtijli itech se revista tlen uelis kipaleuis. San matikonteneuakan yejuin, tla akin tiknojnotsa kinpiya ikoneuan niman isiuauj, tla najmana noso kipiya miyek tekitl, tejua uelis ijkin tikijlis: “Xiuejkaui onikpouj se tlamachtijli tlen mitspaleuis. ¿Uelis nimitsititis?”. Niman tla akin tiknojnotsa kineki okseki kimatis uelis tikmakas se revista noso san tikontitlanilis. Yejuin uelis tikchiuas ijkuak kachtopa iuan titlajtlatos. Maski tejuamej xsan tiknekij tikinxeloskej amatlajkuiloltin, revistas uelis techpaleuiskej matikinnextikan akin kinekij kitlakamatiskej toTajtsin (Hch 13:48).

2018

2019

2020