MATINEMIKAN KEN CRISTO
Matoyektlalikan ipan sa ika tlami itlamiyan tonaltin
Pampa tinemij ipan sa ika tlami itlamiyan tonaltin, nomiyekilijtiuj tlauejli (2Ti 3:1, TNM; Mt 24:8). Miyekpa, ikalpan Jehová techijlia tlenon tikchiuaskej niman ijkon uelis timakisaskej ijkuak tlaixpoliuis. Tla toyektlaliaj aman niman tla tikchikauaj totlaneltokil, uelis timakisaskej ijkuak tlaixpoliuis (Lu 16:10).
Matikchikauakan totlaneltokil. Mojmostla xpoua Biblia niman xmomachti san moselti. Xpapatla ken titenojnotsa. Maka xmomojti tla xueli tinemi imiuan tokniuan (Is 30:15). Xkilnamiki ika Jehová niman Jesús nochipa mouan nemiskej (od-S 175, 176 párrs. 15-17).
Xmoyektlali. Noneki tikpiyaskej se mochila tlen techpaleuis, san ika, noijki noneki tiksentlaliskej seki tlen tijkuaskej, tlen ika topajtiskej, atsintli niman okseki tlemach. Noneki ijkon tikchiuaskej pampa kanaj uejkauis tikaltsauktoskej (Pr 22:3; g17.5-S 4, 6).
XKITAKAN VIDEO TLENON UELIS TIKCHIUASKEJ ACHTO IKA TLAIXPOLIUIS, SAKIN XNANKILIKAN YEJUIN:
¿Kenon uelis tikchikauaskej totlaneltokil achto ika tlaixpoliuis?
¿Tleka noneki...
... kuajli imiuan tonotsaskej tlayekankej?
... tikpiyaskej se mochila tlen techpaleuis?
... titlajtoskej itech tlen uelis panos niman tlen uelis tikchiuaskej?
Xkijto kenon uelis tikinpaleuiskej oksekimej ijkuak tlaixpoliuis.
XMOTLAJTOLTI: “¿Kenon COVID-19 yotechpaleui kuajli matoyektlalikan?”.