Nochipa xajsi ipan inyojlo

Tejuamej tiktlakamatij Jehová pampa ipan toyojlo kisa (Pr 3:1). Yejua ika, ijkuak titemachtijtoskej matokojtilikan tajsiskej ipan inyojlo akin techkaktoskej. ¿Kenon uelis tikchiuaskej?

Ijkuak titemachtis, maka san xteijli tlen kijtoua Biblia. Xkititi akin tikmachtia ika tlen ueltiuj ipan Biblia uelis kipaleuis más kuajli manemi niman más kuajli manouika iuan Jehová. Noijki xkititi kenon itlanauatiluan Jehová tlen uajlauej ipan Biblia kiteititiaj kenon yejua techtlasojtla, techiknelia niman kuelita manochiua tlen kuajli. Xtlajtolti tlenon kinemilia itech tlen ueltiuj. Xpaleui makasikamati ika tla yejua kikajkaua tlen toTajtsin kitlauelita melak ika iyojlo nemis. Ijkuak tikitas ika akin tikmachtia yopeuj más kitlasojtla Jehová, tejua melak tiyolpakis.

XKITAKAN VIDEO MELAK TEYOLPAKTI IJKUAK TITEMACHTIAJ. MATOMACHTIKAN MÁS KUAJLI MATITENOJNOTSAKAN: NOCHIPA MATAJSIKAN IPAN INYOJLO, SAKIN XNANKILIKAN YEJUIN:

• 

  ¿Tleka Rita okitlajtolti Coral tla yotlanemilijka itech tlen lunes okijlika?

• 

  ¿Kenon Rita okipaleui Coral makasikamati ika itlanauatiluan Jehová kititiaj ika yejua kitlasojtla?

• 

  ¿Kenon Rita okiyolchikauj Coral makiteititi ika kitlasojtla Jehová?