MATINEMIKAN KEN CRISTO
Siuamej akin iuejueyimej ken tonanuan niman ichpokamej ken tokniuan
Biblia kijtoua ika noneki tikimitaskej tokniuan akin iuejueyimej kentla totajuan niman tonanuan niman akin telpokamej niman ichpokamej kentla tokniuan (xpoua 1 Timoteo 5:1, 2). Tokniuan tlakamej melak noneki makintlakaitakan siuamej.
Se tokniuj tlakatl xnoneki kixuetskilijtinemis se tokniuj siuatl nion xkichiuas maka kuajli manomachili (Job 31:1). Niman xnoneki kiyolkokos se tokniuj siuatl nion xkitlanemililtis ika kineki iuan kistinemis tla on tokniuj tlakatl xtlanemilijtika itech yejon.
Tokniuan tlayekankej noneki kuajli kinkakiskej tokniuan siuamej ijkuak itlaj kintlajtoltiskej noso ijkuak kimijliskej ika itlaj noneki manochiua. Niman noneki más kintlakaitaskej akin xkipiyaj inueuentsin (Rut 2:8, 9).
XKITAKAN VIDEO MATIKTEITITIKAN TLASOJTLALISTLI TLEN XKEMAN TLAMIS IPAN TLANECHIKOJLI: MATIKIMITAKAN KAUALTSITSINTIN NIMAN IKNOTSITSINTIN, SAKIN XNANKILIKAN YEJUIN:
¿Kenon tokniuan okititijkej tokniuj Myint ika melak kitlasojtlaj?
¿Kenon okinpaleui ivecinos tokniuj Myint pampa tokniuan okititijkej ika melak kitlasojtlaj?
¿Kenon okinpaleui iichpokauan tokniuj Myint pampa tokniuan okititijkej ika melak kitlasojtlaj?
¿Kenon tejua uelis tikteititis ika tikneki tikinpaleuis tokniuan siuamej akin nemij ipan motlanechikol?