¿Kenon tokniuan siuamej uelis más kitekichiuiliskej Jehová?

Tokniuan siuamej miyek tlen kichiuaj ipan ikalpan Jehová (Sl 68:11). Yejuamej akin más kinpiyaj akin kinmachtiaj itech Biblia, niman itech nochi precursores regulares más nemij tokniuan siuamej. Miyekej tokniuan siuamej chikauak tekitij Betel, ken misioneras, kampa kinchijchiuaj kaltin kampa tikueyichiuaj toTajtsin noso kampa tlajtolkuepaj. Niman tokniuan siuamej akin kipiyaj chikauak intlaneltokil, melak kinpaleuiyaj inchanejkauan niman tokniuan akin nemij ipan tlanechikojli (Pr 14:1). Maski tokniuan siuamej xueli tlapaleuiyaj ken tlayekankej noso tlapaleuijkej ipan tlanechikojli, kema uelis kichiuaskej okseki tekitl. Nokniuj siuatl, ¿kenon uelis más tiktekichiuilis Jehová?

• Xmokojtili más tikchiuas ijkon ken Cristo okichiuj (1Ti 3:11; 1Pe 3:3-6).

• Xkinpaleui oksekimej tokniuan siuamej (Tit 2:3-5).

• Xmomajmachti kenon uelis más kuajli titenojnotsas niman chikauak xtenojnotsa.

• Xmomachti okse tlajtojli.

• Xtlapaleuiti kampa nonekij más tenojnotskej.

• Xteijli ika tikneki tontlapaleuis Betel noso kampa kinchijchiuaj kaltin kampa tikueyichiuaj Jehová.

• Xteijli ika tikneki tias ipan Tlamachtijli tlen kiseliaj Akin Tenojnotsaj itech iTekiuajyo toTajtsin.

XKITAKAN VIDEO SIUAMEJ AKIN TEKITIJ IKA NOCHI INYOJLO “IPAN ITEKIU TOTEKO”, SAKIN XNANKILIKAN YEJUIN:

• ¿Kenon omitsyolchikaujkej yejuin tokniuan siuamej?