Xkinpaleui akin tikinmachtia maka manouikakan imiuan akin kimijtlakoskej

Tla akin tikinmachtiaj Biblia kinekij kuajli nouikaskej iuan Jehová, noneki kuajli kintlapejpeniskej akin imiuan nouikaskej (Sl 15:1, 4). Tla yejuamej kuajli kintlapejpeniaj akin imiuan nouikaskej, kinpaleuis makichiuakan tlen kuajli (Pr 13:20; lff tlamachtijli 48).

Ijkuak tikinpaleuis akin tikinmachtia Biblia kuajli makintlapejpenikan akin imiuan nouikaskej, noneki tikasikamatis ika kanaj ouijtika kitaskej kinkauaskej akin imiuan nouikaj. Nochipa xkimititi ika yemelak tikneki tikinpaleuis. Uelis tikomintitlanilis mensaje, tikominnotsas noso tikomintlajpalos. Ijkuak más chikaujtias intlaneltokil, xkinuika ijkuak tokniuan noyolpaktiskej. Ijkon kitaskej ika maski kipoloskej seki tlemach, más kinteochiuaskej (Mr 10:29, 30). Tejua noijki melak tiyolpakis ijkuak tikitas kenon miyekixtiuej itekipanojkauan Jehová.

XKITAKAN VIDEO MATIKINPALEUIKAN AKIN TIKINMACHTIAJ MAKA MANOUIKAKAN IMIUAN AKIN KIMIJTLAKOSKEJ, SAKIN XNANKILIKAN YEJUIN:

• ¿Akinomej xnoneki imiuan timouikas? (1Co 15:33).

• ¿Kenon kinemiliaya Coral ika noyolpaktiayaj iteixpantijkauan Jehová?

• ¿Kenon Rita okipaleui Coral kuajli makintlapejpeni akin inuan nouikas?