Xkinpaleui oksekimej matlaneltokakan itech Jehová niman Jesús ika libro ¡Nochipa uelis tiyolpakis!

Tla akin tikinmachtiaj itech Biblia kinekij kiyolpaktiskej Jehová, kachtopa noneki itech tlaneltokaskej (Heb 11:6). Uelis tikuiskej libro ¡Nochipa uelis tiyolpakis! niman ijkon tikinpaleuiskej. Yejuin libro techpaleuiya kuajli matikasikamatikan Biblia niman techtlajtoltia tlen noneki tikasikamatiskej. Noijki kinuajkui tlaixkopinaltin, textos niman videos. Tla tikinpaleuiyaj akin tikinmachtiaj makichiuakan tlen Jehová kuelita niman iuan manouikakan, más chikauis intlaneltok niman kixikoskej tlen ouijtika (1Co 3:12-15).

Sekimej kinemiliaj ika xuelis nouikaskej iuan toTajtsin pampa xueli kitaj, ika yejon, noneki tikinpaleuiskej makixmatikan Jehová niman itech matlaneltokakan.

XKITAKAN VIDEO XKINPALEUI OKSEKIMEJ MATLANELTOKAKAN ITECH JEHOVÁ IKA LIBRO “¡NOCHIPA UELIS TIYOLPAKIS!”, SAKIN XNANKILIKAN YEJUIN:

• ¿Kenon tikmatij ika tokniuj kuajli onoyektlali para temachtis?

• ¿Tlenon okitlajtolti tokniuj akin kimachtia para más makasikamati Isaías 41:10, 13?

• ¿Kenon okipaleui Cassie video niman textos tlen okimitak?

Miyekej xkasikamatij tleka omik Jesús noso xkitaj ken itetlayokolil toTajtsin (Gál 2:20, TNM). Ika yejon, noneki tikinpaleuiskej makineltokakan ika Jesús kema omik topampa.

XKITAKAN VIDEO XKINPALEUI OKSEKIMEJ MATLANELTOKAKAN ITECH JESÚS IKA LIBRO “¡NOCHIPA UELIS TIYOLPAKIS!”, SAKIN XNANKILIKAN YEJUIN:

• ¿Kenon tikmatij ika tokniuj kuajli onoyektlali para temachtis?

• ¿Kenon tokniuj okitekitilti kampa kijtoua “Okseki xkita” para kipaleuis akin kimachtia?

• ¿Tleka melak kipaleuiya akin tikmachtiaj ijkuak iuan tikchiuaj teoyotl?