¿Tlenon ueliskia tikchiuas ijkuak inisiuj yes niman ijkuak yopanok Conmemoración?

Akin tiktekichiuiliaj Jehová, melak tikpatiojkaitaj Conmemoración. Tikitaj kenon uelis más tikueyichiuaskej Jehová niman tiktlasojkamachiliskej tlen yokichiuj topampa achto ika peuas Conmemoración niman ijkuak yopanok (Ef 1:3, 7). Tokojtiliaj tikinnotsaskej tlaltikpakchanejkej mauiyan Conmemoración. Sekimej tokniuan kitaj kenon ueliskiaj nochiuaskej precursores auxiliares, pampa ipan metstli marzo noso abril uelis kitemakaskej 30 noso 50 horas. ¿Tejua tikuelitaskia más titenojnotsas ipan marzo noso abril? ¿Tlenon uelis tikchiuas?

Tla kuajli tiknemiliaj tlen tikchiuaskej, kuajli onkisas (Pr 21:5). Pampa iyejkotika tonajli ijkuak nochiuas Conmemoración, noneki desde aman tikitaskej tlenon tikchiuaskej. Xtlanemili itech tlenon tikuelitaskia tikchiuas niman itech tlenon mitspaleuis ijkon xchiua. Sakin xtlajtlanili Jehová mamitspaleui (1Jn 5:14, 15).

¿Tlenon más uelis tikchiuas ijkuak inisiuj yes Conmemoración niman sakin ijkuak yopanok?