TLEN TEPALEUI ITECH ITLAJTOL TOTAJTSIN

Nochi kuajli nochiuaya ijkuak kiueyichiuayaj Jehová ipan iteopan

Tekiuaj David okinxexelo levitas niman teopixkej niman cada grupo okimakak se tekitl ipan teopan (1Cr 23:6, 27, 28; 24:1, 3; it-2-S 214 párr. 1; 893 párr. 1).

Sekimej okintlalijkej para manokuikatikan teopan; sekimej melak ueltoyaj nokuikatiayaj niman sekimej kemach nomajmachtijtoyaj (1Cr 25:1, 8; it-2-S 443 párr. 1).

Oksekimej levitas okintlalijkej para makisentlalikan tomintsin, oksekimej para manemikan ipuerta teopan niman oksekimej okinmakakej okseki tekitl (1Cr 26:16-20; it-2-S 684 párr. 1).

Ipan Kajli kampa tosentlaliaj, ijkuak xipeua tlanechikojli. 1. Tokniuan notlajpalouaj niman tlajtlajtouaj. 2. Se tokniuj kititia okse tokniuj siuatl itlaj kampa tablero. 3. Se tokniuj siuatl kontlajkali itomintsin ipan cajita. 4. Se tokniuj akin kinxelouaj amatlajkuiloltin, kitemaka se amatlajkuilojli. 5. Se tokniuj kiyektlalia micrófono. 6. Se tokniuj iuan ikoneuj tlachipaujtokej.

Jehová kineki nochi kuajli manochiua, ika yejon, nochi kuajli tikchiuaj ijkuak tikueyichiuaj (1Co 14:33).

TLEN NONEKI XNEMILI: ¿Tleka uelis tikijtoskej ika aman noijki nochi kuajli tikchiuaj ijkuak tikueyichiuaj Jehová?