Ken uelis timomachtis

Más xmomachti itech tlen kualtsin kichiua Jehová

Ijkuak tikamapouaj Biblia, uelis okseki tomachtiskej para más tikasikamatiskej. San ika, xnoneki tikchiuaskej san para miyek tikmatiskej. Tiknekij tikchiuaskej pampa más tiknekij tikixmatiskej Jehová niman más tiktlasojtlaskej. Niman techpaleuis ijkon matikchiuakan tla totlajtoltiaj: “¿Tlenon nechmachtia yejuin tlaxelojli itech Jehová?”.

Kanaj tejua tiknekis timomachtis itech kenon Jehová melak tetlasojtla, tlamachilise, kichiua tlen melajki niman melak kojtik. San ika, yejua xsan yejon tlen kualtsin kichiua. ¿Kanon uelis tiknextis nochi tlen kualtsin kichiua Jehová?

Ipan Índice de las publicaciones Watch Tower uelis tikinnextis ipantsin 50 ikualneskayouan Jehová. Xkalaki kampa kijtoua “Jehová” niman sakin kampa “Cualidades por nombre”. Xkita katlejua tlajtoua itech tlen timomachtijtika niman xkamapoua (tla san tikpiya amatlajkuilojli Tlen kinpaleuiya ika nomachtiaj iteixpantijkauan Jehová, xuiya kampa kijtoua “Jehová” niman sakin kampa “Ikualneskayouan Jehová”).