Tlen opanok

¿Kenon uelis kinpaleuis oksekimej tla tikimikneliaj?

Sejpatipan, se tokniuj akin chanti Nueva Zelanda okitak video tlen itoka Matikimiknelikan oksekimej. Yejuin video tlajtouaya itech kenon Jehová xsan kijtoua ika teiknelia, yej noijki kiteititia (Is. 63:​7-9). Kuakon, yejuin tokniuj nimantsin okitejtemo akinon ueliskia kipaleuis. Ipan yejon tonajli, tokniuj otlakouato niman okinexti se siuatl akin xkipiaya kanon chantis niman san nemiya ipan ojtli. Kuakon, okitlajtolti tla kinekiya makikouili tlakuajli. Yejon siuatl okijto ika kema. Ijkuak tokniuj okimakato tlakuajli, noijki okinojnots ika tlen kijtoua tratado tlen itoka ¿Yejkos tonajli ijkuak xok titlajyouiskej?

Yejuin siuatl opeuj choka. Okijli tokniuj ika yejua okiskaltijkaj itech tlen melauak, san ika, youejkaujka ika yokitlalkauijka ikalpan toTajtsin. Noijki okijli ika yopeujka kitlajtlanilia Jehová makipaleui oksejpa itech manokuepa. Kuakon, tokniuj okimakak se Biblia niman okijtokej ika peuaskiaj nomachtiskej.a

Ijkon ken Jehová, tejuamej noijki uelis tikimikneliskej oksekimej: uelis tikimikneliskej tochanejkauan niman tokniuan akin nemij ipan totlanechikol. Noijki, uelis tikteititiskej ika titeikneliaj tla tokojtiliaj nochimej tikinnojnotsaskej maski san kanon.