Kuajli xmomachti niman ijkon uelis titlatlachixtos

Xpoua Daniel 9:​1-19 niman ijkon tikasikamatis tleka melak noneki kuajli matomachtikan.

Xkintejtemo tlamachtiltin tlen tlajtouaj itech tlen otikamapouj. ¿Tlenon opanok achto, niman tlenon ipan onochiuj Daniel? (Dan. 5:​29–6:5). ¿Kenon timomachiliskia tla ijkon mitschiuiliskiaj?

Xmomachti okseki tlen ompa noteneua. ¿Katlejua “amamoxtli” onomachti Daniel? (Dan. 9:2; w23.08 4 párr. 7). ¿Tleka Daniel okimijto itlajtlakoluan niman noijki itlajtlakoluan kalpan Israel? (Lev. 26:​39-42; 1 Rey. 8:​46-50; dp-S 182-184). ¿Kenon okiteititi iteoyouj Daniel ika melak kuajli nomachtiaya iTlajtol toTajtsin? (Dan. 9:​11-13).

Xnemili tlenon mitsmachtia tlen otikpouj. Xmotlajtolti:

• “¿Tlenon uelis nikchiuas para xsan nitlanemilijtos itech tlen aman panoua?” (Miq. 7:7).

• “¿Kenon uelis nechpaleuis tla kuajli ninomachtia iTlajtol toTajtsin ijkon ken okichiuj Daniel?” (w04-S 1/8 12 párr. 17).

• “Tla nikneki nochipa nitlatlachixtos, ¿tlenon noneki ninomachtis?” (Mat. 24:​42, 44; w12-S 15/8 5 párrs. 7, 8).