Kuajli matiktekitiltikan espejo

Santiago okijto ika Biblia yeskia ken se espejo tlen techpaleuiya matikitakan tlenon tikpiyaj tlaijtik (Sant. 1:​22-25). Aman tej, ¿kenijki uelis kuajli tiktekitiltiskej yejon espejo?

Yolik matikamapoujtiakan iTlajtol toTajtsin. Tla san totoka titoitaj ipan se espejo, kanaj xtikitaskej tlen xkuajli tikpiyaj niman xtikyektlaliskej. Noijki ijkon, tla san totoka tikamapouaj Biblia, xtikitaskej tlen noneki tikpatlaskej. Ika yejon, melak kuajli tla yolik tikamapoujtiuej.

Tejuamej matitoitakan niman maka matikimitakan oksekimej. Ijkuak tontlachiaj ipan se espejo, uelis tikimitaskej oksekimej niman tikitaskej tlenon xkuajli kipiyaj. Yejon noijki ueliskia panos ijkuak tikamapouaj Biblia, ueliskia peuas titlanemiliskej intech oksekimej niman tiknemiliskej tlen noneki kipatlaskej. San ika, tla ijkon tikchiuaj, kanaj xkeman uelis tikyektlaliskej tlen tejuamej xkuajli tikchiuaj.

Matikmatstokan ika xnochi uelis tikchiuaskej. Tla san tikitaj tlen xtikuelitaj totech ijkuak titoitaj ipan se espejo, kanaj melak tajmanaskej. Noijki uelis ijkon topan panos ijkuak tikamapouaskej Biblia. Ika yejon, ijkuak tikamapouaskej, matikmatstokan ika xnochi ueli tikchiuaj niman ika toTajtsin san techtlajtlanilia tlen ueli tikchiuaj (Sant. 3:17).