Tla tikinpaleuiya oksekimej xmoselti timomachilis ¿Tlenon kijtoua Biblia?

Ipan nochi tlaltikpaktli miyekej san iselti nomachiliaj niman kinemiliaj ika xuelis nouikaskej iuan oksekimej. Ixtlamatkej kijtoua ika tla tikinpaleuiya oksekimej uelis kichiuas maka ijkon manomachilikan.

• Tikinpaleuiskej oksekimej akin tlajyouiyaj, kichiuas maka san toselti matomachilikan noso matiknemilikan ika xuelis touikaskej iuan oksekimej” (Institutos de la Salud de los Estados Unidos).

Biblia techijlia tlenon uelis tikchiuaskej niman ijkon tikinpaleuiskej oksekimej. Tla tikchiua tlen ompa kijtoua techpaleuis maka san toselti matomachilikan.

Tlen uelis tikchiuas

Xtemaka tlen tikpiya. Xtejtemo timonotsas imiuan oksekimej, niman más kuajli tla san sekan nennemij. Xtemaka ika moyojlo tlen tikpiya. Tla tikchiua yejuin oksekimej melak kitlasojkamatiskej niman yejon kichiuas ika kuajli xmouika imiuan oksekimej.

• Biblia kijtoua: “Xkinmakakan tlajtlamach oksekimej, niman Dios no mechmakas” (Lucas 6:38).

Xchiua tlen tiuelis ipampa oksekimej. Xkita kenon uelis tikinpaleuis akin ouijtika panotokej. Kanaj uelis tikinkakis niman tikinmasikamatis noso tikominpaleuis kampa nonekis.

• Biblia kijtoua: “Sen tetlajsojkaikniu nochipa tenotski.” (Proverbios 17:17).

Tla tikneki tikmatis más itech kenon uelis timouikas imiuan oksekimej xpoua tlamachtijli “Iuan mofamilia niman moamigos.”