¿Kinemiliaj iteixpantijkauan Jehová ika san yejuamej intlaneltokil tlen melauak?

Akin nemij ipan se tlaneltokijli kipiya ika kineltokaskej ika toTajtsin niman Jesús yemelak kiseliaj intlaneltokil, pampa tla xijkon kineltokaj, xika inyojlo ompa nemiskiaj.

Jesucristo xokijto tla oniaskej miyek ojtin noso tlaneltokiltin tlen teuikaj ipan nemilistli. Yejua okijto: “Pitstik puerta niman pitsauak ojtli tlen teuika itech nemilistli, niman xmiyekej akin kinextiaj” (Mateo 7:14, TNM). Tiiteixpantijkauan Jehová tikneltokaj ika yotiknextijkej yejon ojtli tlen okiteneuj Jesús, pampa tla xijkon yeskia, tiktejtemoskiaj okse tlaneltokijli.