¿Kitlakaitaj iteixpantijkauan Jehová tlen oksekimej kineltokaj?

Iteixpantijkauan Jehová tiktlakamatij yejuin tlen kijtoua Biblia: “Xkintlakaitakan nochimej” (1 Pedro 2:17). Kema, nochimej tikintlakaitaj, maski xkineltokaj tlen tejuamej tikneltokaj. Noijki, maski melak miyekej nemij iteixpantijkauan Jehová ipan miyekej países, xtikchiuaj ika tekiuajkej noso políticos maka makinkauilikan oksekimej tlaneltokiltin, makichiuakan tlen yejuamej kineltokaj. Niman xtiktejtemouaj nion xtikintlajtlaniliaj tekiuajkej makintlalikan tlanauatiltin tlen makinchiualti oksekimej makichiuakan tlen tejuamej tikchiuaj niman tikneltokaj. Tiktlasojkamatij ika techtlakaitaj niman tejuamej noijki tochikauaj tikintlakaitaj nochimej tlaltikpakchanejkej (Mateo 7:12).