¿Kenon notlaxtlaua tekitl tlen kichiuaj iteixpantijkauan Jehová?

Tekitl tlen tikchiuaj, notlaxtlaua ika tomin tlen iteixpantijkauan Jehová kitemakaj ika inyojlo.a Yejuin tomin, uelis kitlaliskej ipan cajitas tlen onka kampa tosentlaliaj, noso uelis nochiuas ken kijtoua ipan jw.org itech kenon tiktlalis motomintsin. Akin kitlalia itomintsin, uelis kijtos tla kitlalis para obra mundial, para ika notlaxtlauas itlaj kampa nosentlalia, noso para on ome tlemach.

Xakaj kijliaj kech tomin kipiya ika kitlalis. Noijki xakaj kitlajtlaniliaj makitemaka diezmo noso okseki itech kech kitlani (2 Corintios 9:7). Kampa tosentlaliaj xtechtlajtlaniliaj tomin nion xtiktlaxtlauaj ijkuak tikalakij. Xkintlaxtlauiliaj akin teapolaktiaj, akin kitemakaj se tlamachtijli noso okseki itlaj kichiuaj. Xtiknemakaj tlakuajli, xtauiltiaj, xtikchiuaj ferias noso okse itlaj para tiksentlaliskej tomin, noijki xtiktlajtlantinemij tomin. Nion xteixpan tikijtouaj akinon kitemaka tomin (Mateo 6:2-4). Xtiktlaliaj ipan se toamatlajkuilol noso se topágina tlen ika uelis tiktlaniskej tomin.

Sejse metstli, nochi tlanechikoltin kampa nosentlaliaj iteixpantijkauan Jehová kiteijliaj kenon onopojpolo tomin, niman ijkon nochimej makimatikan. Noijki kuajli kitaj kenon kitekitiltijtokej tomintsin tlen kitemakaj (2 Corintios 8:20, 21).

Kenon tiktemakas motomintsin

• Cajas kampa notlalia tomintsin: Yejuin onka ipan Kajli kampa tosentlaliaj, kampa tikchiuaj toueyitlanechikoluan noso oksekan kampa tosentlaliaj, niman ompa uelis tiktlalis motomintsin noso cheques.

• Tomin tlen uelis tiktemakas ipan Internet: Ipan miyek países uelis tijkuis página tlen itoka “Xkinpaleui iteixpantijkauan Jehová ika motomintsin” niman ijkon uelis tiktlalis motomin ika tarjeta de crédito noso débito, tias banco noso okse tlamantik.b Ika tlen yotikontakej, sekimej tokniuan sejse metstli kitlaliaj ika manoxelo intomin (1 Corintios 16:2).

  

• Tlen yotiknemili sakin tiktemakas: Seki ken uelis tiktemakas motomintsin noneki kuajli tiknemilis kenon tikchiuas niman tikintlajtoltis ixtlamatkej. Yejuin uelis kuajli mitspaleuis kuajli xtekitilti motomin. Miyekej yokitakej ika tepaleui tetlajtoltiskej kenon uelis kikuiskej intomin ijkuak ok nemij noso ijkuak yonomikilijkej. Uelis tontenotsas ipan insucursal iteixpantijkauan Jehová tlen nisiuj onka niman ijkon tikmatis okseki itech kenon tiktemakas motomintsin:

  • tlen tikpiya ipan banco

  • seguros niman tlen se kiselia ijkuak xok tekiti

  • motlaluan niman mokaluan

  • acciones niman bonos

  • testamentos niman fideicomisos

Tla tikneki tikmatis okseki itech kenon uelis tiktemakas motomintsin kampa tichanti, xuiya ipan página tlen itoka “Xkinpaleui iteixpantijkauan Jehová ika motomintsin”.