Nota

d Ezequiel 37:15-19, 24, 25: “¹⁵ Jehová oksejpa onechnots, niman onechijli: ¹⁶ ‘Niman tejua, ikoneuj se tlaltikpakchane, xkajsi se tlakotl niman ipan xkijkuilo: “Para Judá niman israelitas akin iuan nemij”. Sakin xkajsi okse tlakotl niman ipan xkijkuilo: “Para José, itlakouj Efraín, niman para nochimej israelitas akin iuan nemij”. ¹⁷ Sakin xsentlali se iuan okse niman ijkon ipan moma nochiuaskej san se tlakotl. ¹⁸ Ijkuak mokalpan mitstlajtoltis: “¿Xtitechijlis tlenon kijtosneki nochi yejuin?”, ¹⁹ xkimijli “Yejuin tlen Ueyixtika toTeko Jehová kijtoua: ‘Nikajsis itlakouj José, tlen onka ipan ima Efraín, niman nochi tribus de Israel akin iuan nemij, niman nikinsentlalis iuan itlakouj Judá. Niman nejua nikchiuas manochiuakan san se tlakotl; san se nochiuaskej ipan noma’”’”. “²⁴ Notekitkauj David intekiuaj yes niman nochimej yejuamej san se intlajpixkauj kipiyaskej. Noyekanaskej ika notlanauatiluan niman kuajli kintlakamatiskej. ²⁵ Chantiskej ipan tlajli tlen onikmakak notekipanojkauj, Jacob, kampa ochantikej nemoachtotajuan. Nochipa ompa chantiskej, yejuamej niman inkoneuan niman inkoneuan inkoneuan; niman notekipanojkauj David nochipa intlayekankauj yes”.