Nota

a Ipan yejuin tlaltikpaktli xok miyekej nemij akin kitlasojtlaj imelajkayo toTajtsin. San ika, iteixpantijkauan Jehová kema kitlasojtlaj imelajkayo Jehová niman kintlakamatij itlanauatiluan. Niman kanaj tejua ijkon tikchiujtika. Tejua tiktlakamati Jehová pampa tiktlasojtla niman pampa tikmatstika ika yejua kitlasojtla tlen melajki. Ipan yejuin tlamachtijli tikitaskej kenon uelis más tiktlasojtlaskej imelajkayo toTajtsin. San ika, kachtopa tikitaskej tlenon kijtosneki imelajkayo toTajtsin niman tleka melak noneki matiktlasojtlakan imelajkayo.